ദുബൈ: പോപ്പ് ഫ്രാൻസിസ് മാർപ്പാപ്പ യു.എ.ഇ സന്ദർശനത്തിനൊരുങ്ങുന്നു. ഫെബ്രുവരി ആദ്യവാരം അബൂദബിയിൽ നടക്കുന് ന സർവ്വമത സംഗമത്തിൽ പങ്കുചേരാൻ അബൂദബി കിരീടാവകാശിയും യു.എ.ഇ സായുധ സേന ഉപ സർവ്വ സൈന്യാധിപനുമായ ശൈഖ് മുഹമ്മദ് ബിൻ സായിദ് ആൽ നഹ്യാെൻറ ക്ഷണം സ്വീകരിച്ചാണ് പാപ്പ എത്തുന്നത്. യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തും മാർപ്പാപ്പയുടെ ആഗമന വാർത്തയെ ഹൃദയപൂർവം സ്വാഗതം ചെയ്തു.
പരസ്പരം മനസിലാക്കുന്നതും ബഹുമാനിക്കുന്നതിനും സഹകരണം ശക്തമാക്കുന്നതിനും ഇൗ വരവ് ഇടവരുത്തുമെന്ന് ശൈഖ് മുഹമ്മദ് ട്വിറ്ററിൽ കുറിച്ചു. മതാതീത സംവാദങ്ങൾക്ക് അവസരമൊരുക്കാനും ലോക രാഷ്ട്രങ്ങൾക്കിടയിൽ സമാധാനം സ്ഥാപിക്കാനും ഇതു സഹായകമാവും. ശൈഖ് മുഹമ്മദ് ബിൻ സായിദും മാർപ്പാപ്പയുടെ വരവിൽ സന്തുഷ്ടി അറിയിച്ചു. സമാധാനത്തിെൻറയും സഹിഷ്ണുതയുടെയും പ്രതീകവും സാഹോദര്യത്തിെൻറ പ്രചാരകനുമായ മാർപ്പാപ്പയുടെ വരവ് ചരിത്ര സന്ദർശനമായി മാറുമെന്നും ജനങ്ങൾക്കിടയിൽ സമാധാനപൂർണമായ സഹവർത്തിത്വത്തിന് ഇതു സഹായകമാകുമെന്നും അദ്ദേഹം ചൂണ്ടിക്കാട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.