ദുബൈ: ലോകത്തിറങ്ങൂന്ന സകലമാന പുത്തൻ വണ്ടികളും ഒഴുകിപ്പായുന്ന ദുബൈ ശൈഖ് സായിദ് റോഡിൽ കൂറ്റൻ കാറുകൾക്കിടയിലൂടെ ഹാസ്യകഥാപാത്രം മിസ്റ്റർ ബീനിേൻറതു പോലൊരു കുഞ്ഞൻ കാർ പോകുന്നതു കണ്ടാണ് ശ്രദ്ധിച്ചത്. 5051 നമ്പർ മിനി കൂപ്പർ കാറിനെ പിന്തുടർന്ന് അടുത്ത പാർക്കിങ്ങിലൊതുക്കാമോ എന്നഭ്യർഥിച്ചു. വാഹനം നിർത്തി ഇറങ്ങി വന്നതാവെട്ട യു.എ.ഇക്കാരുടെ മിസ്റ്റർ ബീൻ.
സാമൂഹിക മാധ്യമങ്ങളിലും അറബ് സുഹൃദ് സദസ്സുകളിലും ജൈഷാൻ എന്ന പേരിൽ ചിരപരിചിതനായ ജാസിം മുഹമ്മദാണ് കാറുടമ. ഹാസ്യതാരമാണ്, ഒപ്പം സാമൂഹിക പ്രസക്തിയുള്ള കവിതകളുമെഴുതുന്നു. മിസ്റ്റർ ബീനാണ് ഇഷ്ടതാരം. മൂന്നു വർഷം മുൻപ് ബീനിേൻറതു പോലൊരു കാറ് കിട്ടിയപ്പോൾ വിട്ടില്ല. വാഹനത്തിെൻറ പിറകിൽ അൽപം മാറ്റങ്ങൾ വരുത്തി പിക്കപ്പ് പോലെയാക്കി. ഇതിലേറിയാണ് കറക്കം.
കാർ പ്രിയപ്പെട്ടതാണെങ്കിലും നല്ല വിലകിട്ടിയാൽ കൊടുക്കാൻ മടിയില്ല. 50 ലക്ഷം ദിർഹമാണ് മതിപ്പുവില. ഇന്ത്യയിൽ നിന്നാണെന്നറിഞ്ഞപ്പോൾ ബോളിവുഡ് സിനിമയോടുള്ള പ്രിയം പറഞ്ഞു. ഇന്ത്യൻ സിനിമകളിൽ അഭിനയിക്കാൻ താൽപര്യമുണ്ടെന്നും. വഴിയോരത്ത് നിന്ന് സംസാരിക്കുന്നതിനിടെ അതിലൂടെ പോയവരിൽ ഭൂരിഭാഗം പേരും കഥാപാത്രത്തെ തിരിച്ചറിഞ്ഞ് കൈവീശി. അറബി കവിത ചൊല്ലി, ഹിന്ദി പാട്ടു മൂളി ൈജഷാൻ ബീൻ പതുക്കെ വാഹനം മുൻപോെട്ടടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.