റാസൽഖൈമ: ജോലിക്കിടെ ടയർ പൊട്ടിത്തെറിച്ചുണ്ടായ അപകടത്തിൽ മലയാളി യുവാവ് ഉൾപെടെ രണ്ട് പേർ മരിച്ചു. കൊല്ലം ഇരവിചിറ വെസ്റ്റ് കുറ്റിയിൽ വീട്ടിൽ നിസാർ ഹമീദ് കുട്ടിയും (48) ബംഗ്ലാദേശ് സ്വദേശിയുമാണ് മരിച്ചത്.
റാസൽഖൈമയിലെ ജസീറയിൽ റാക് ഫിക്സ് എന്ന സ്ഥാപനത്തിൽ മെക്കാനിക്കായി ജോലി ചെയ്യുകയായിരുന്നു. ശനിയാഴ്ച വൈകുന്നേരമാണ് സംഭവം. സഹപ്രവർത്തകനായ ബംഗ്ലാദേശ് സ്വദേശി ട്രക്കിെൻറ ടയർ ശരിയാക്കുന്നതിനിടെയാണ് പൊട്ടിത്തെറിച്ചത്.
ബംഗ്ലാദേശ് സ്വദേശി സംഭവസ്ഥലത്തും നിസാർ ഹമീദ് കുട്ടി ആശുപത്രിയിലുമാണ് മരിച്ചത്. പത്ത് വർഷമായി ഇവിടെയുള്ള നിസാർ അടുത്ത മാസം വിസ കാൻസൽ ചെയ്ത് നാട്ടിൽ പോകാനിരിക്കെയാണ് മരണം. നടപടി ക്രമങ്ങൾ പൂർത്തിയാക്കി മൃതദേഹം നാട്ടിലെത്തിക്കുമെന്ന് കേരള സമാജം പ്രസിഡൻറ് നാസർ അൽമഹ അറിയിച്ചു. ഭാര്യ: ഷീജ. പിതാവ്: ഹമീദ് കുട്ടി. മാതാവ്: ഖദീജ ബീവി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.