മ​ലീ​ഹ ഫാ​മി​ൽ ആ​ദ്യ​ഘ​ട്ട ചോ​ളം വി​ള​വെ​ടു​ത്തു

ഷാ​ർ​ജ: ഔ​ഷ​ധ ഗു​ണ​മു​ള്ള പാ​ലും തേ​നും ഉ​ൽ​​പാ​ദി​പ്പി​ച്ച്​ വി​പ​ണി കീ​ഴ​ട​ക്കി​യ മ​ലീ​ഹ ഫാ​മി​ൽ നി​ന്ന്​ മു​ന്തി​യ ഇ​നം ചോ​ള​വും വി​ള​വെ​ടു​ത്തു. ചോ​ള​കൃ​ഷി​യു​ടെ ആ​ദ്യ​ഘ​ട്ട വി​ള​വെ​ടു​പ്പാ​ണ്​ ശ​നി​യാ​ഴ്ച പൂ​ർ​ത്തി​യാ​യ​ത്. അ​ത്യാ​ധു​നി​ക യ​ന്ത്ര​ങ്ങ​ളു​ടെ സ​ഹാ​യ​ത്തോ​ടെ​യാ​യി​രു​ന്നു വി​ള​വെ​ടു​പ്പ്. ഹെ​ക്ട​ർ ക​ണ​ക്കി​ന്​ പാ​ട​ങ്ങ​ളി​ലാ​യാ​ണ്​ ചോ​ളം കൃ​ഷി ചെ​യ്തി​രു​ന്ന​ത്. വി​ള​വെ​ടു​ത്ത ചോ​ളം​ വൈ​കാ​തെ യു.​എ.​ഇ​യി​ലെ വി​പ​ണി​​യി​ലെ​ത്തി​ക്കാ​നാ​ണ് അ​ധി​കൃ​ത​രു​ടെ പ​ദ്ധ​തി.

വി​ള​വെ​ടു​പ്പി​നു​ശേ​ഷം പാ​ട​ങ്ങ​ളി​ലെ ജൈ​വ മാ​ലി​ന്യ​ങ്ങ​ൾ മ​ലീ​ഹ ഡെ​യ​റി ഫാ​മി​ലെ പ​ശു​ക്ക​ൾ​ക്ക് കാ​ലി​ത്തീ​റ്റ​യാ​യും ഉ​പ​യോ​ഗി​ക്കും. ക​ഴി​ഞ്ഞ മാ​സം തു​ട​ക്ക​ത്തി​ൽ മ​ലീ​ഹ ഫാ​മി​ൽ നി​ന്ന്​ ഔ​ഷ​ധ ഗു​ണ​മു​ള്ള മി​ക​ച്ച​യി​നം തേ​നി​ന്‍റെ വി​ള​വെ​ടു​പ്പ്​ ഷാ​ർ​ജ കാ​ർ​ഷി​ക വി​ക​സ​ന വ​കു​പ്പി​ന്‍റെ നേ​തൃ​ത്വ​ത്തി​ൽ പൂ​ർ​ത്തീ​ക​രി​ച്ചി​രു​ന്നു.

മ​ലീ​ഹ ഫാ​മി​ൽ നി​ന്നു​ള്ള പാ​ലും പാ​ലു​ൽ​പ​ന്ന​ങ്ങ​ളും നി​ല​വി​ൽ ഷാ​ർ​ജ​യി​ലെ​യും ദു​ബൈ​യി​ലെ​യും വി​പ​ണി​യി​ൽ ല​ഭ്യ​മാ​ണ്. എ​മി​റേ​റ്റി​ലെ സ്കൂ​ൾ കു​ട്ടി​ക​ൾ​ക്ക്​ മ​ലീ​ഹ പാ​ൽ ല​ഭ്യ​മാ​ക്കാ​നു​ള്ള പ്ര​വ​ർ​ത്ത​ന​ങ്ങ​ൾ​ക്കും അ​ധി​കൃ​ത​ർ തു​ട​ക്കം കു​റി​ച്ചി​ട്ടു​ണ്ട്.