ശൈഖ് ഹുമൈദ് ബിന് റാഷിദ് അല് നുഐമി
അജ്മാന്: ലോകോത്തര മേളയായ എക്സ്പോ 2020 സന്ദര്ശിക്കാന് സർക്കാർ ജീവനക്കാർക്ക് അജ്മാന് അവധി നൽകി. ആറു ദിവസത്തെ ശമ്പളത്തോടുകൂടിയ അവധിയാണ് സര്ക്കാര് ജീവനക്കാര്ക്ക് അനുവദിച്ചത്. ഇതു സംബന്ധിച്ച് യു.എ.ഇ സുപ്രീം കൗണ്സില് അംഗവും അജ്മാന് ഭരണാധികാരിയുമായ ശൈഖ് ഹുമൈദ് ബിന് റാഷിദ് അല് നുഐമി ഉത്തരവ് പുറപ്പെടുവിച്ചു. 2022 മാർച്ച് വരെ നീണ്ടുനിൽക്കുന്ന മേള സന്ദർശിക്കാനും ആസ്വദിക്കാനും ജീവനക്കാർക്കും അവരുടെ കുടുംബങ്ങൾക്കും ഇത് വലിയൊരു അവസരമായിരിക്കും.
നേരത്തെ അജ്മാന് വിനോദ സഞ്ചാര വകുപ്പ് ചെയര്മാന് ശൈഖ് അബ്ദുല് അസീസ് ബിന് ഹുമൈദ് അല് നുഐമി സ്വന്തം ചെലവില് ആയിരം സര്ക്കാര് ജീവനക്കാര്ക്ക് മേള സന്ദര്ശിക്കാന് അവസരം ഒരുക്കുമെന്ന് പ്രഖ്യാപിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.