ഷാർജ: കുട്ടികൾക്കും യുവാക്കൾക്കുമായി ഒരുക്കുന്ന ഷാർജ ഇൻറർനാഷനൽ ഫിലിം ഫെസ്റ്റിവലിന് (എസ്.ഐ.എഫ്.എഫ്) മുന്നോടിയായി 26ന് രാത്രി എട്ടിന് 'സിനിമ സ്വീകരിക്കുന്ന സ്ത്രീകൾ' എന്ന പേരിൽ വെർച്വൽ പാനൽ ചർച്ച നടത്തും. സിനിമരംഗത്തെ പുരോഗതിക്ക് സംഭാവന നൽകിയ ഇമാറാത്തി ചലച്ചിത്ര പ്രവർത്തകർ പങ്കെടുക്കും.
ബൽക്കിസ് സാബർ മോഡറേറ്റ് ചെയ്യുന്ന സെഷനിൽ ഇമാറാത്തി കവയിത്രിയും സംവിധായകയുമായ നജൂം അൽ-ഘനേം, ഡയറക്ടറും ബിയോണ്ട് സ്റ്റുഡിയോ സ്ഥാപക ഉടമയുമായ നെയ്‌ല അൽ ഫഹദ്, സംവിധായികയും ഡി -സെവൻ മോഷൻ പിക്ചേഴ്സ് സി.ഇ.ഒയുമായ നെയ്‌ല അൽ ഖാജ എന്നിവർ പങ്കെടുക്കും. ചലച്ചിത്ര മേഖലയിലെ തുടക്കം മുതലുള്ള അനുഭവങ്ങൾ ഇവർ പങ്കുവെക്കും. https://tinyurl.com/4pjt6pps എന്ന ലിങ്ക് വഴി പങ്കെടുക്കാൻ കഴിയുമെന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.