ദുബൈ കെ.എം.സി.സി കാസർകോട് ജില്ല കമ്മിറ്റി രക്തദാന ക്യാമ്പിെൻറ പോസ്റ്റർ പ്രകാശനം ഖാദർ തെരുവത്ത്നിർവഹിക്കുന്നു
ദുബൈ: പ്രവാസി സംഘടനകളുടെ പ്രവർത്തനം ഇന്ത്യക്കാർക്ക് അഭിമാനം നൽകുന്നതാണെന്ന് കണ്ണൂർ വിമാനത്താവള അതോറിറ്റി ഡയറക്ടറും വ്യവസായിയുമായ ഖാദർ തെരുവത്ത് പറഞ്ഞു. യു.എ.ഇ ദേശീയ ദിനത്തോടനുബന്ധിച്ച് ദുബൈ കെ.എം.സി.സി കാസർകോട് ജില്ല കമ്മിറ്റി കൈൻഡ്നെസ് ബ്ലഡ് ഡൊണേഷൻ ടീമുമായി സഹകരിച്ച് 'രക്തം നൽകൂ, പുഞ്ചിരി സമ്മാനിക്കൂ' സന്ദേശവുമായി സംഘടിപ്പിക്കുന്ന 1000 യൂനിറ്റ് മെഗാ ബ്ലഡ് ഡൊണേഷൻ ക്യാമ്പിെൻറ പോസ്റ്റർ പ്രകാശനം ചെയ്യുകയായിരുന്നു അദ്ദേഹം. വ്യവസായിയും സാമൂഹിക പ്രവർത്തകനുമായ മൊയ്‌തീൻ പന്നടുക്കത്തിന് പോസ്റ്റർ നൽകി പ്രകാശനം നിർവഹിച്ചു.
കെ.എം.സി.സി നാഷനൽ കമ്മിറ്റി ട്രഷറർ നിസാർ തളങ്കര, ദുബൈ കെ.എം.സി.സി കാസർകോട് ജില്ല ആക്ടിങ് പ്രസിഡൻറ് റാഫി പള്ളിപ്പുറം, ജില്ല ജനറൽ സെക്രട്ടറി സലാം കന്യപ്പാടി, ട്രഷറർ ഹനീഫ് ടി.ആർ. മേൽപറമ്പ്, ജില്ല ഭാരവാഹികളായ അഡ്വ. ഇബ്രാഹിം ഖലീൽ, സലാം തട്ടാനിച്ചേരി, ഫൈസൽ മൊഹ്സിൻ എന്നിവർ സംബന്ധിച്ചു. ഡിസംബർ രണ്ടിനു രാവിലെ 10 മുതൽ വൈകീട്ട് നാലുവരെ ലത്തീഫ ഹോസ്പിറ്റൽ അങ്കണത്തിലാണ് ക്യാമ്പ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.