ഷാർജ: പ്രവാസി ബുക്സ് സംഘടിപ്പിക്കുന്ന രണ്ട് പുസ്തകങ്ങളുടെ പ്രകാശന ചടങ്ങ് ജൂലൈ 20 ഞായറാഴ്ച നടക്കും. വൈകുന്നേരം അഞ്ചുമണിക്ക് ഖിസൈസ് അൽ നഹ്ദ സെന്ററിൽ ഷമീം യൂസഫിന്റെ വീരചക്ര എന്ന നോവലിന്റെയും അഖിലേഷ് പരമേശ്വറിന്റെ പതിനെട്ടാം പട്ട എന്ന കഥാസമാഹാരത്തിന്റെയും പ്രകാശന ചടങ്ങാണ് നടക്കുന്നത്. വീരചക്രയുടെ പ്രകാശനം പ്രമുഖ എഴുത്തുകാരനും പ്രഭാഷകനുമായ ഇ.കെ.ദിനേശൻ കഥാകൃത്തും ഫോട്ടോഗ്രാഫറുമായ അഡ്വ.പ്രവീൺ പാലക്കീലിന് നൽകി നിർവഹിക്കും. പതിനെട്ടാം പട്ടയുടെ പ്രകാശനം മാധ്യമപ്രവർത്തകനും നോവലിസ്റ്റുമായ സാദിഖ് കാവിൽ എഴുത്തുകാരി പി. ശ്രീകലക്ക് നൽകി നിർവഹിക്കും. നോവലിസ്റ്റ് അസി, ലേഖ ജസ്റ്റിൻ എന്നിവർ പുസ്തക പരിചയം നടത്തും. റയീസ്, ഷാഫി കാഞ്ഞിരമുക്ക്, ധന്യ അജിത്, സി.പി. അനിൽകുമാർ എന്നിവർ ആശംസയർപ്പിക്കും. അജിത് വള്ളോലി അധ്യക്ഷത വഹിക്കുന്ന ചടങ്ങിൽ പ്രസാദ് ടി.കുറുപ്പ് സ്വാഗതം പറയും. ഷമീം യൂസഫ്, അഖിലേഷ് പ്രസാദ് എന്നിവർ മറുപടി പ്രസംഗം നടത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.