അബൂദബി: രണ്ടാം വർഷ ഹയർ സെക്കൻഡറി പരീക്ഷയിൽ യു.എ.ഇയിൽ 96.3 ശതമാനം വിജയം. പരീക്ഷയെഴുതിയ 599 വിദ്യാർഥികളിൽ 577 പേർ വിജയിച്ചു. 32 പേർക്ക് എല്ലാ വിഷയങ്ങളിലും എ പ്ലസ് ലഭിച്ചു. രാജ്യത്തുനിന്ന് അപേക്ഷിച്ച 601 വിദ്യാർഥികളിൽ രണ്ടുപേർ പരീക്ഷക്ക് ഹാജരായിരുന്നില്ല.
എട്ട് സ്കൂളുകളിലാണ് യു.എ.ഇയിൽ പരീക്ഷ നടന്നത്. ഇതിൽ മൂന്ന് സ്കൂളുകളിൽ പരീക്ഷ എഴുതിയ എല്ലാവരും വിജയിച്ചു. മോഡൽ സ്കൂൾ അബൂദബി, ഇന്ത്യൻ സ്കൂൾ ഫുജൈറ, ന്യൂ ഇന്ത്യൻ മോഡൽ സ്കൂൾ (നിംസ്) ഷാർജ എന്നിവക്കാണ് നൂറുമേനി. മോഡൽ സ്കൂൾ അബൂദബിയിൽ 130 പേരും ഇന്ത്യൻ സ്കൂൾ ഫുജൈറയിൽ 40 പേരും നിംസ് ഷാർജയിൽ 63 പേരുമാണ് വിജയിച്ചത്. നിംസ് ഷാർജയിൽ പരീക്ഷക്ക് അപേക്ഷിച്ച 64 പേരിൽ ഒരാൾ ഒരു പരീക്ഷക്കും ഹാജരായിരുന്നില്ല.
നിംസ് ദുബൈ, നിംസ് അൽെഎൻ എന്നിവിടങ്ങളിൽ ഒരാളൊഴികെ ബാക്കി എല്ലാവരും വിജയിച്ചു. നിംസ് ദുബൈയിൽ 96 പേരും നിംസ് അൽെഎനിൽ 28 പേരുമാണ് പരീക്ഷ എഴുതിയിരുന്നത്. 98.96, 96.43 എന്നിവയാണ് യഥാക്രമം ഇരു സ്കൂളുകളിലെയും വിജയ ശതമാനം.
ന്യൂ ഇന്ത്യൻ ഹയർസെക്കൻഡറി സ്കൂൾ റാസൽഖൈമയിൽ പരീക്ഷയെഴുതിയ 83 പേരിൽ 80 പേർ (96.39 ശതമാനം) വിജയിച്ചു. ഒരാൾ പരീക്ഷക്ക് ഹാജരായിരുന്നില്ല. അതേസമയം, സ്കൂളിൽ റെഗുലറായി പഠിച്ച് പരീക്ഷക്കിരുന്ന 80 വിദ്യാർഥികളിൽ 78 പേർ (97.5 ശതമാനം) ജയിച്ചെന്ന് പ്രിൻസിപ്പൽ ബീന റാണി അറിയിച്ചു. ഇംഗ്ലീഷ് സ്കൂൾ ഉമ്മുൽ ഖുവൈനിൽ 60 പേരിൽ 55 പേർ (91.67 ശതമാനം) തുടർ പഠനത്തിന് യോഗ്യത നേടി. ഗൾഫ് മോഡൽ സ്കൂൾ ദുബൈയിൽ 99വിദ്യാർഥികളിൽ 87 പേർ (87.88 ശതമാനം) വിജയിച്ചു.
യു.എ.ഇയിൽ മുഴുവൻ വിഷയങ്ങളിലും എ പ്ലസ് ലഭിച്ച 32 പേരിൽ 18 പേരും മോഡൽ സ്കൂൾ അബൂദബി വിദ്യാർഥികളാണ്. നിംസ് ദുബൈയിൽ ആറ് പേർക്കും നിംസ് ഷാർജയിൽ അഞ്ച് പേർക്കും മുഴുവൻ വിഷയങ്ങളിലും എ പ്ലസ് ലഭിച്ചു. ന്യൂ ഇന്ത്യൻ ഹയർസെക്കൻഡറി സ്കൂൾ റാസൽഖൈമ, ഗൾഫ് മോഡൽ സ്കൂൾ ദുബൈ, ഇംഗ്ലീഷ് സ്കൂൾ ഉമ്മുൽ ഖുവൈൻ എന്നിവിടങ്ങളിൽ ഒന്ന് വീതവും സമ്പൂർണ എ പ്ലസുണ്ട്.
നൂറുമേനി കാത്ത് മോഡൽ സ്കൂൾ അബൂദബി
അബൂദബി: എസ്.എസ്.എൽ.സി പരീക്ഷയിൽ ലഭിച്ച നൂറുമേനി കൈവിടാതെ മോഡൽ സ്കൂൾ അബൂദബി. മോഡൽ സ്കൂളിന് പുറമെ യു.എ.ഇയിലെ അഞ്ച് സ്കൂളുകൾക്ക് കൂടി എസ്.എസ്.എൽ.സിക്ക് നൂറുമേനിയുണ്ടായിരുന്നു. എന്നാൽ, അവയ്ക്ക് പ്ലസ്ടു പരീക്ഷക്ക് സമാന വിജയം നേടാനായില്ല.
പ്ലസ്ടു പരീക്ഷക്കക്ക് മോഡൽ സ്കൂളിനൊപ്പം നൂറിൽ നൂറ് നേടിയ ഇന്ത്യൻ സ്കൂൾ ഫുജൈറ, നിംസ് ഷാർജ എന്നിവക്ക് എസ്.എസ്.എൽ.സിയിൽ മുഴുവൻ കുട്ടികളെയും വിജയിപ്പിക്കാനായിരുന്നില്ല.പ്ലസ്ടു സയൻ സ് ഗ്രൂപ്പിൽ യു.എ.ഇയിലെ ഉയർന്ന മാർക്കിൽ ആദ്യ നാല് സ്ഥാനവും മോഡൽ സ്കൂളിലാണ്. ഹാജറ ഇബ്രാഹിം (1186 മാർക്ക്), എം.പി. ഷിഫ്ന (1183), ഹൈഫ റഫീഖ് (1980), െഎശ്വര്യ സന്തോഷ് (1176) എന്നിവരാണ് യഥാക്രമം ആദ്യ നാല് സ്ഥാനം നേടിയത്. കോമേഴ്സ് ഗ്രൂപ്പിൽ ഏറ്റവും കൂടുതൽ മാർക്ക് നിംസ് ഷാർജയിലെ ഹീന വഹീദ് ഷീജക്കാണ്. 1200ൽ 1159 മാർക്കാണ് ഹീന നേടിയത്. മോഡൽ സ്കൂൾ അബൂദബിയിലെ റനീം ഹംദാൻ, ആയിശ ഹിബ എന്നിവർ 1155 മാർക്ക് നേടി രണ്ടാം സ്ഥാനത്തും മുഹമ്മദ് റസ്വാൻ 1136 മാർക്ക് നേടി മൂന്നാം സ്ഥാനത്തുമെത്തി.
സമ്പൂർണ എ പ്ലസിൽ ‘ശാസ്ത്ര മുന്നേറ്റം’
അബൂദബി: ഹയർ സെക്കൻഡറി രണ്ടാം വർഷ പരീക്ഷയിൽ യു.എ.ഇ എ പ്ലസ് ലഭിച്ച 32 വിദ്യാർഥികളിൽ 26 പേരും സയൻസ് ഗ്രൂപ്പെടുത്ത് പഠിച്ചവർ. കോമേഴ്സ് പഠിച്ച ആറു പേർക്കാണ് രാജ്യത്ത് എ പ്ലസ്. സയൻസ് ഗ്രൂപ്പിൽ 293 പേരും കോമേഴ്സിൽ 306 പേരുമാണ് യു.എ.ഇയിൽ പരീക്ഷ എഴുതിയിരുന്നത്.
ഖദീജ ഉസ്മാൻ (ന്യൂ ഇന്ത്യൻ ഹയർസെക്കൻഡറി സ്കൂൾ റാസൽഖൈമ), സഇൗദ സൈദ് അലവി (ഇംഗ്ലീഷ് സ്കൂൾ ഉമ്മുൽ ഖുവൈൻ), നബിൻ സജീർ, അമൽ റസാക്, നഹസർവീൻ ശംസുദ്ദീൻ, ശിവാലി സുനിൽ കുമാർ, സോണാലി സുനിൽ കുമാർ, അമൽ നസീർ (എല്ലാവരും നിംസ് ദുബൈ), മുഹമ്മദ് സമിൻ സാക്കിർ, െഎശ്വര്യ വേലകത്ത് സന്തോഷ്, ആഗ്നസ് സെബാസ്റ്റ്യൻ, ഹൈഫ റഫീഖ്, ഹിബ അബൂബക്കർ, റിതിക രജിത്ത്, ക്രിസ്റ്റിൽ എൽസ ഷാജി, ക്രിസ്റ്റിൻ ശാന്തി ഷാജി, ഫാത്തിമ നബീല, ഹാജറ ഇബ്രാഹീം, ഹന ഇഖ്ബാൽ, എം.പി. ഷിഫ്ന, പി. ശരത്ത്, വടിവേലൻ മുരുഗേഷൻ, ടി.എ. സകിയ്യ െഎമൻ (എല്ലാവരും മോഡൽ സ്കൂൾ അബൂദബി), ഹിബ ഷഫീക്കലി (ഗൾഫ് മോഡൽ സ്കൂൾ ദുബൈ), ആര്യ പ്രകാശ്, ഫാത്തിമ നസീറ സക്കീർ (ഇരുവരും നിംസ് ഷാർജ) എന്നിവരാണ് സയൻസിൽ മുഴുവൻ വിഷയങ്ങളിലും എ പ്ലസ് നേടിയത്.
മോഡൽ സ്കൂൾ അബൂദബി, നിംസ് ഷാർജ സ്കൂളുകളിലെ വിദ്യാർഥികൾക്ക് മാത്രമേ കോമേഴ്സ് ഗ്രൂപ്പിൽ സമ്പൂർണ എ പ്ലസ് ഉള്ളൂ. റനീം ഹംദാൻ, ആയിശ ഹിബ, ഫാത്തിമ സകരിയ്യ (മൂവരും മോഡൽ സ്കൂൾ അബൂദബി), ഫായിസ, ഹീന വഹീദ് ഷീജ, ഹിബ റഷീദ് (മൂവരും നിംസ് ഷാർജ) എന്നിവരാണ് കോമേഴ്സിൽ സമ്പൂർണ എ പ്ലസ് നേടിയത്.കഴിഞ്ഞ വർഷത്തെ അപേക്ഷിച്ച് ഇത്തവണ സമ്പൂർണ എ പ്ലസ് നേടിയവരുടെ എണ്ണം വർധിച്ചിട്ടുണ്ട്. കഴിഞ്ഞ വർഷം 22 പേർക്ക് മാത്രമായിരുന്നു മുഴുവൻ വിഷയങ്ങളിലും എ പ്ലസ്.
യു.എ.ഇയിലെ ഏറ്റവും കൂടിയ മാർക്കുകാരിക്ക് ഡോക്ടറാകണം
അബൂദബി: ഹയർ സെക്കൻഡറി രണ്ടാം വർഷ പരീക്ഷയിൽ യു.എ.ഇയിൽ ഏറ്റവും കൂടിയ മാർക്ക് നേടിയ ഹാജറ ഇബ്രാഹീമിന് ചികിത്സാ മേഖലയിൽ ഉന്നത വിദ്യാഭ്യാസം നേടാൻ ആഗ്രഹം. ഡോക്ടർ പഠനത്തിനുള്ള നാഷനൽ എലിജിബിലിറ്റി കം എൻട്രൻസ് ടെസ്റ്റ് (നീറ്റ്) എഴുതാനുള്ള തയാറെടുപ്പിലാണ് ഇൗ മിടുക്കി. രണ്ടാം ക്ലാസ് മുതൽ മോഡൽ സ്കൂൾ അബൂദബിയിൽ പഠിച്ച ഹാജറ ട്യൂഷനുകൾക്കൊന്നും പോകാതെയാണ് ഉന്നത വിജയം കരസ്ഥമാക്കിയത്. 1200ൽ 1186 മാർക്കാണ് (98.83 ശതമാനം) ഹാജറ നേടിയത്.
തിരുവനന്തപുരം ആറ്റിങ്ങൽ കൊടുവഴനൂർ സ്വദേശിയും മോഡൽ സ്കൂൾ അബൂദബിയിലെ അറബിക് അധ്യാപകനുമായ ഇബ്രാഹീമിെൻറയും സജീന ബീഗത്തിെൻറയും മകളാണ് ഹാജറ. ഒൗഖാഫിെൻറ പഠനകേന്ദ്രത്തിൽ ഖുർആൻ പഠിക്കുന്ന ഹാജറക്ക് ഖുർആൻ പാരായണത്തിൽ സമ്മാനവും ലഭിച്ചിട്ടുണ്ട്. ബി.എ വിദ്യർഥിനി ഉനൈസ, രണ്ടാം ക്ലാസ് വിദ്യാർഥി ഇസ്മാഇൗൽ എന്നിവരാണ് സഹോദരങ്ങൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.