ദുബൈ: ദുബൈയിൽ സ്കൂളുകൾ തുറന്നതിനു പിന്നാലെ സ്കൂൾ ജീവനക്കാർക്ക് പി.സി.ആർ ടെസ്റ്റ് നിർബന്ധമാക്കി. വാക്സിനെടുക്കാത്ത സ്കൂൾ ജീവനക്കാർ ആഴ്ചയിൽ പി.സി.ആർ ടെസ്റ്റ് നടത്തണം. 11 മുതൽ പുതിയ നിബന്ധന നിലവിൽ വരും. ഓൺലൈൻ ക്ലാസെടുക്കുന്നവർക്കും ഇത് ബാധകമാണ്. വിദ്യാഭ്യാസ മേഖലയിൽ പ്രവർത്തിക്കുന്ന എല്ലാവരും പരിശോധനക്കു വിധേയമാകുകയോ വാക്സിനെടുക്കുകയോ ചെയ്യണം.
ഓൺലൈൻ വഴി ക്ലാസെടുക്കുന്നവർക്കും കാമ്പസിൽ ജോലി ചെയ്യുന്നവർക്കും ഇക്കാര്യത്തിൽ ഇളവില്ലെന്ന് കെ.എച്ച്.ഡി.എ അറിയിച്ചു.നഴ്സറികൾ മുതൽ യൂനിവേഴ്സിറ്റികൾ വരെയുള്ള സ്ഥാപനങ്ങളിലെ ജീവനക്കാരും ഈ നിയമം അനുസരിക്കണം.അതേസമയം, വാക്സിൻ സ്വീകരിക്കാൻ ആരോഗ്യപരമായ തടസ്സമുള്ളവർ, ആദ്യ ഡോസ് സ്വീകരിച്ചവർ എന്നിവർക്ക് ഇളവുണ്ടാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.