തടവുകാരുടെ മോചനത്തിന് സ്വദേശി പൗരൻ യൂസഫ് അൽ അജ്മാനി നൽകുന്ന സംഭാവനയുടെ ചെക്ക് അജ്മാൻ പൊലീസ് മേധാവി മേജർ ജനറൽ ശൈഖ് സുൽത്താൻ ബിൻ അബ്ദുല്ല അൽ നുഐമി ഏറ്റുവാങ്ങുന്നു
അജ്മാന്: തടവുകാരുടെ മോചനത്തിന് ഒരു ലക്ഷം ദിർഹം സംഭാവന ചെയ്ത് സ്വദേശി. തടവ് കാലാവധി കഴിഞ്ഞവര്ക്ക് അവരുടെ നാട്ടിലേക്ക് തിരിക്കാനുള്ള ടിക്കറ്റ് ഒരുക്കാനായാണ് യൂസഫ് സുൽത്താൻ അൽ അജ്മാനി എന്ന സ്വദേശി സംഭാവനയുമായി അജ്മാന് പൊലീസിനെ സമീപിച്ചത്.
അജ്മാൻ െപാലീസ് മേധാവി മേജർ ജനറൽ ശൈഖ് സുൽത്താൻ ബിൻ അബ്ദുല്ല അൽ നുഐമി, യൂസഫ് സുൽത്താൻ അൽ അജ്മാനിയുടെ പക്കൽനിന്ന് 100,000 ദിർഹമിനുള്ള ചെക്ക് സ്വീകരിച്ചു. യു.എ.ഇയുടെ 49ാമത് ദേശീയ ദിനത്തോടനുബന്ധിച്ചാണ് യൂസഫ് സുൽത്താൻ അൽ അജ്മാനി സംഭാവന നല്കിയത്. തടവുകാര്ക്ക് രാജ്യം വിട്ട് അവരുടെ രാജ്യങ്ങളിലേക്ക് മടങ്ങാൻ സൗകര്യമൊരുക്കുക എന്ന ലക്ഷ്യത്തോടെയാണ് ഇദ്ദേഹം ഈ മാനുഷിക സംരംഭത്തിന് മുന്നിട്ടിറങ്ങിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.