ഒരുമ അഴീക്കോട് ഓണാഘോഷത്തിൽനിന്ന്
ഷാര്ജ: കണ്ണൂരിലെ അഴീക്കോട്ടുകാരുടെ കൂട്ടായ്മയായ ഒരുമ അഴീക്കോട് സംഘടിപ്പിച്ച ‘ഒരുമേന്റോണം’ എന്ന ഓണാഘോഷ പരിപാടി ശ്രദ്ധേയമായി.
ഷാർജ സെന്റർ മാളിൽ രാവിലെ മുതല് വൈകീട്ടുവരെ നീണ്ടുനിന്ന ആഘോഷ പരിപാടികള് പ്രസിഡന്റ് സുബീര് ആലാങ്കണ്ടി, സെക്രട്ടറി കെ.കെ. മുബീര്, ട്രഷറര് മധുസൂദനന് എന്നിവര് ചേര്ന്ന് നിലവിളക്ക് കൊളുത്തിയതോടെയാണ് ആരംഭിച്ചത്. കോര് കമ്മിറ്റി അംഗങ്ങളായ സുരേന്ദ്രന്, ലസിത് കായക്കല്, വിജയന് ചേനമ്പേത്ത് എന്നിവർ ആശംസകള് നേര്ന്നു. മായാദിനേശിന്റെ ‘ഒറ്റ നക്ഷത്രം’ എന്ന പുസ്തകം ചടങ്ങില് പ്രകാശനം ചെയ്തു. മായാദിനേശ്, വി.സി. ബിജു, ലസിത് കായക്കല്, സലാം പാപ്പിനിശ്ശേരി, സിറാജ് മൊയ്തീന്, വി. നിഷാന്ത്, വി.കെ. ദീപക്, കെ. സരിന് എന്നിവര്ക്കുള്ള ഉപഹാരങ്ങള് ഭാരവാഹികള് സമ്മാനിച്ചു.
ഘോഷയാത്ര, തിരുവാതിര, ചെണ്ടമേളം, മാവേലി തുടങ്ങിയ അഴീക്കോട്ടുകാരുടെ വിവിധ കലാപരിപാടികള്ക്കു പുറമേ ഓണസദ്യയും ഭാഗ്യരാജും ടീമും അവതരിപ്പിച്ച ഗാനമേളയും അരങ്ങേറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.