ദുബൈ: ദുബൈയിൽ മരിച്ച മലയാളിയുടെ മൃതദേഹം ഏറ്റുവാങ്ങാൻ ആരുമെത്താതെ മോർച്ചറിയിൽ. കൊല്ലം ചവറ സ്വദേശി മനാഫ് ഗഫൂറിന്റെ (52) മൃതദേഹമാണ് റാസൽഖൈമയിലെ പൊലീസ് മോർച്ചറിയിൽ സൂക്ഷിച്ചിരിക്കുന്നത്.
കഴിഞ്ഞ ദിവസം ദുബൈയിൽ വെച്ചാണ് മനാഫ് മരിച്ചതെന്ന് ദുബൈ പൊലീസും ദുബൈ ഇന്ത്യൻ കോൺസുലേറ്റും യു.എ.ഇയിലെ സാമൂഹിക പ്രവർത്തകരെ അറിയിച്ചിട്ടുണ്ട്. സഫ മൻസിൽ, മടപ്പള്ളി, മുകുന്ദപുരം പി.ഒ, ചവറ, കൊല്ലം എന്ന വിലാസമാണ് അധികൃതർ നൽകിയിരിക്കുന്നത്.
പിതാവ്: ഗഫൂർ, മാതാവ്: റംലത്ത് ബീവി, ഭാര്യ: സുൽഫത്ത് ബീവി എന്നീ വിവരങ്ങളും ലഭ്യമായിട്ടുണ്ട്. മനാഫിന്റെ അടുത്ത ബന്ധുക്കളോ സുഹൃത്തുക്കളോ 00971 56 1320653 എന്ന നമ്പരിൽ ബന്ധപ്പെടണമെന്ന് സാമൂഹിക പ്രവർത്തകൻ നസീർ വാടാനപ്പള്ളി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.