കല്ലേടിയൻസ് മൂന്നാം സീസണിന്റെ ഉദ്ഘാടന ചടങ്ങ്
ദുബൈ: എം.ഇ.എസ് കല്ലടി കോളജ് യു.എ.ഇ അലുമ്നി കൂട്ടായ്മയായ കല്ലേടിയൻസ് യു.എ.ഇ ‘ഇയ്യാ ഹുവ്വാ’ എന്ന പ്രമേയത്തിന് കീഴിൽ കല്ലേടിയൻസ് സീസൺ-3 എന്ന പേരിൽ കോളജ് ഡേ ആഘോഷിച്ചു. ഏപ്രിൽ 27ന് വൈകീട്ട് 4.30 മുതൽ ആരംഭിച്ച ചടങ്ങിൽ രാഹുൽ ഈശ്വർ മുഖ്യ പ്രഭാഷണം നിർവഹിച്ചു. പ്രോഗ്രാം കൺവീനർ വി.പി. സക്കീർ സ്വാഗതം ആശംസിച്ച ചടങ്ങിന് കല്ലേടിയൻസ് യു.എ.ഇ പ്രസിഡന്റ് സയിദ് ജാസിം അധ്യക്ഷത വഹിച്ചു. ചടങ്ങിൽ അക്കാഫ് അസോസിയേഷൻ പ്രസിഡന്റ് പോൾ ടി. ജോസഫ്, കല്ലേടിയൻസ് പ്രതിനിധി ബിന്ദു ജയിംസ്, മറ്റു സംഘടനാ പ്രതിനിധികൾ എന്നിവരും സംസാരിച്ചു.
കല്ലേടിയൻസ് സെക്രട്ടറി ടി.ടി. റഹ്മത്തുല്ല നന്ദി പറഞ്ഞു. ചടങ്ങിന് ദീപ രാഹുൽ ഈശ്വർ, കല്ലേടിയൻസ് യു.എ.ഇ ട്രഷറർ ഖത്തീബ് മുസമ്മിൽ, അക്കാഫ് പ്രതിനിധികൾ, മറ്റ് സംഘടനാ ഭാരവാഹികൾ എന്നിവർ പങ്കെടുത്തു. കല്ലേടിയൻസ് ബിസിനസ് കമ്യൂണിറ്റി-ബിസ് കണക്ട്, കല്ലേടിയൻസ് വെബ്സൈറ്റ് എന്നിവയുടെ ലോഞ്ചിങ്ങും ചടങ്ങിൽ നടന്നു. തുടർന്ന്, കല്ലേടിയൻസ് യു.എ.ഇ അംഗങ്ങൾ അവതരിപ്പിച്ച വിവിധ കലാപരിപാടികൾ, സ്കിറ്റ്, നൃത്തനൃത്യങ്ങൾ, ഷിഹാബ് പാലപ്പെട്ടിയുടെ ഗാനമേള എന്നിവയും അരങ്ങേറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.