അബൂദബി: യു.എ.ഇയുടെ ദേശീയ ടെലികോം കമ്പനിയായ ഇത്തിസലാത്തിെൻറ നെറ്റ്വര്ക്ക് സേവനങ്ങളില് അടുത്ത മൂന്ന് മാസം തടസ്സങ്ങളുണ്ടാകാന് സാധ്യതയെന്ന് കമ്പനി മുന്നറിയിപ്പ് നൽകി. 5ജി നെറ്റ്വർക്കിലേക്ക് മാറുന്നതടക്കമുള്ള പരിഷ്കരണ പ്രവര്ത്തനങ്ങളും അറ്റകുറ്റപ്പണികളും നടത്തുന്ന സാഹചര്യത്തിലാണ് ഈ മുന്നറിയിപ്പ്.ലോകത്ത് ആദ്യമായി 5 ജി സേവനങ്ങള്ക്ക് തുടക്കമിടാന് തയാറെടുക്കുന്ന രാജ്യമാണ് യു.എ.ഇ. 5 ജി സേവനങ്ങൾ ലഭ്യമാകാൻ നെറ്റ്വര്ക്ക് മുതല് ഉപയോഗിക്കുന്ന മൊബൈല് ഫോൺ വരെ മാറേണ്ടി വരും. 5 ജിക്ക് അനുയോജ്യമായ സ്മാര്ട്ട് ഫോണുകള് അടുത്ത വര്ഷം വിപണിയിലെത്തുമെന്നാണ് പ്രതീക്ഷിക്കുന്നത്.
ഇതോടെ ബ്രോഡ്ബാന്ഡ് ഇൻറര്നെറ്റ് കണക്ഷനേക്കാള് വേഗതയില് മൊബൈല് ഇൻറര്നെറ്റിലൂടെ ഡൗണ്ലോഡ്^അപ്ലോഡ് സൗകര്യം സാധ്യമാകുമെന്നും ഇത്തിസലാത്ത് അറിയിച്ചു. പരിഷ്കരണ നടപടികളുടെ ഭാഗമായുണ്ടാകുന്ന തടസ്സങ്ങളില് ഇത്തിസലാത്ത് ഖേദം പ്രകടിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.