അയൺമാൻ ചാമ്പ്യൻഷിപ്പിൽ പങ്കെടുക്കുന്ന മലയാളി താരങ്ങൾ
ദുബൈ: ഓട്ടവും സൈക്ലിങ്ങും നീന്തലും ഒരു കുടക്കീഴിൽ അണിനിരക്കുന്ന രാജ്യാന്തര അയൺമാൻ ദുബൈ-70.3 ചാമ്പ്യൻഷിപ് ശനിയാഴ്ച ദുബൈയിൽ നടക്കും.
എട്ടു മണിക്കൂറോളം നീണ്ടുനിൽക്കുന്ന മത്സരത്തിൽ 2500ഓളം പേർ പങ്കെടുക്കുന്നുണ്ട്.
1900 മീറ്റർ നീന്തൽ, 90 കിലോമീറ്റർ സൈക്ലിങ്, 21.1 കിലോമീറ്റർ ഓട്ടം എന്നിവ ഉൾപ്പെടുന്നതാണ് മത്സരം.
കണ്ണൂർ സ്വദേശിനി റീം ബക്കർ അടക്കം 24 മലയാളികളും മത്സരത്തിന്റെ ഭാഗമാകുന്നുണ്ട്.
കേരള റൈഡേഴ്സിന് കീഴിൽ പരിശീലകൻ മോഹൻ ദാസിന്റെ നേതൃത്വത്തിലാണ് ഇവർ ട്രാക്കിലിറങ്ങുന്നത്.
മത്സരത്തിന്റെ ഭാഗമായി ഗതാഗത തടസ്സത്തിന് സാധ്യതയുണ്ടെന്ന് ആർ.ടി.എ അറിയിച്ചു. രാവിലെ ഏഴു മുതൽ ഉച്ചക്ക് രണ്ടു വരെയാണ് മത്സരം. ജുമൈറ, ഉമ്മു സുഖീം റോഡ്, അൽ ഖുദ്ര തുടങ്ങിയ സ്ഥലങ്ങളിലാണ് ഗതാഗത തടസ്സമുണ്ടാകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.