ഷാർജ: രണ്ടാഴ്ച മുമ്പ് അപകടത്തിൽ പരിക്കേറ്റ് ഇന്ത്യൻ വിദ്യാർഥി മരിച്ചു. മുംബൈ സ്വദേശിയായ ഖാസി സമീർ അബ്ദുലിെൻറ മകനും ഷാർജ ഇന്ത്യ ഇൻറർനാഷനൽ സ്കൂൾ അഞ്ചാം ക്ലാസ് വിദ്യാർഥിയുമായ അബ്ദുല്ല സമീർ ഖാസിയാണ് മരിച്ചത്. ഷാർജ യൂനിവേഴ്സിറ്റി ഹോസ്പിറ്റലിൽ ചികിത്സയിലായിരുന്നു. മേയ് 24ന് രാവിലെയാണ് അപകടം.
നാഷനൽ പെയിൻറ് ഏരിയയിൽ, താമസിക്കുന്ന ഫ്ലാറ്റിന് താഴെയാണ് അപകടമുണ്ടായത്. അബ്ദുല്ല സമീറിെൻറ നിര്യാണത്തിൽ പെയ്സ് എജുക്കേഷൻ ഗ്രൂപ് ചെയർമാൻ ഡോ. പി.എ. ഇബ്രാഹിം ഹാജി അനുശോചിച്ചു. കുടുംബത്തിനുണ്ടായ ദുഃഖത്തിൽ പങ്ക് ചേരുന്നതായും കുടുംബത്തിന് ക്ഷമയും സഹനവും സർവശക്തൻ പ്രധാനം ചെയ്യട്ടെ എന്ന് പ്രാർഥിക്കുന്നതായും ചെയർമാൻ അനുശോചന സന്ദേശത്തിൽ പറഞ്ഞു. സ്കൂൾ പ്രിൻസിപ്പൽ ഡോ. മഞ്ജു റെജി, അധ്യാപകർ തുടങ്ങിയവർ കുട്ടിയുടെ വീട് സന്ദർശിച്ച് ആദരാഞ്ജലിയർപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.