പ്രതീകാത്മക ചിത്രം
അബൂദബി: നിരന്തര നിയമലംഘനങ്ങൾ നടത്തിയ അബൂദബിയിലെ ഫുഡ് കഫേ അടച്ചുപൂട്ടാൻ അബൂദബി കാർഷിക, ഭക്ഷ്യ സുരക്ഷ അതോറിറ്റി (അഡാഫ്സ) ഉത്തരവിട്ടു.
പൊതുജനങ്ങളുടെ ആരോഗ്യത്തിന് ഭീഷണിയായ വിധം വൃത്തിഹീനമായ സാഹചര്യത്തിൽ ഭക്ഷണം വിളമ്പിയതിനാണ് ഹെൽത്തി ഡ്രീം ഫുഡ് കഫേയുടെ അബൂദബി ബ്രാഞ്ച് വണിനെതിരെ അധികൃതർ നടപടിയെടുത്തത്. ഭക്ഷ്യസുരക്ഷ മാനദണ്ഡങ്ങൾ പാലിക്കുന്നതിൽ വീഴ്ച വരുത്തിയ സ്ഥാപനത്തിനെതിരെ അധികൃതർ മൂന്നു തവണ അടച്ചുപൂട്ടൽ താക്കീത് നൽകിയിരുന്നു.
ഇതിനു പുറമേ ഭക്ഷണം തയാറാക്കുന്നിടത്ത് കീടങ്ങളെ കണ്ടതോടെയാണ് സ്ഥാപനം ഉടൻ അടച്ചുപൂട്ടാൻ ഉത്തരവിട്ടത്. ഭക്ഷ്യസുരക്ഷ മാനദണ്ഡങ്ങൾ പാലിക്കുന്നതുവരെ സ്ഥാപനം തുറക്കാൻ അനുമതി നൽകില്ലെന്നും അഡാഫ്സ അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.