നാ​ല് പ​തി​റ്റാ​ണ്ടി​െ​ൻ​റ പ്ര​വാ​സംഅ​വ​സാ​നി​പ്പി​ച്ച്​ ഹ​മീ​ദ് നാ​ട​ണ​ഞ്ഞു

ദുബൈ: നാല് പതിറ്റാണ്ട് നീണ്ട പ്രവാസം അവസാനിപ്പിച്ച്​ ചങ്ങരംകുളം പള്ളിക്കര സ്വദേശി കോട്ടില വളപ്പില്‍ ഹമീദ് നാടണഞ്ഞു. 1981 ഏപ്രിൽ 17ന്​ 19ാം വയസ്സിലാണ്​ ഹമീദ്​ ദുബൈയിലെത്തിയത്​. റാസൽഖൈമയിലെ അറബി വീട്ടിൽ ഹെൽപ്പർ ആയി ജോലി ചെയ്​തായിരുന്നു തുടക്കം. പിന്നീട് അതേവീട്ടിൽ തന്നെ ഡ്രൈവർ ആയി '​​പ്രമോഷൻ' ലഭിച്ചു. വലിയ സാമ്പാദ്യങ്ങൾ ഒന്നുമില്ലെങ്കിലും ഉത്തരവാദിത്തങ്ങൾ നിറവേറ്റിയ ചാരിതാർഥ്യത്തോടെയാണ്​ മടക്കം. ജീവിതത്തി​െൻറ ന​ല്ലൊരു ഭാഗവും കുടുംബത്തിനുവേണ്ടി പ്രവാസ ലോകത്ത്​ ജീവിച്ചുതീർത്തു. രണ്ടോ മൂന്നോ വർഷം കൂടുമ്പോൾ നാട്ടിലെത്തുന്ന ഹമീദിനു ലഭിക്കുന്ന ഒന്നോ രണ്ടോ മാസങ്ങളായിരിക്കും കുടുംബത്തോടൊപ്പം ചിലവഴിക്കാൻ നാട്ടിൽ ലഭിച്ചത്. ഇനിയുള്ള കാലം കുടുംബത്തോടൊപ്പം സന്തോഷത്തോടെ ജീവിക്കണമെന്ന ആഗ്രഹത്തോടെയാണ്​ ഹമീദ്​ നാട്ടിലെത്തിയിരിക്കുന്നത്​.