അൽഐൻ: ഇന്ത്യൻ സോഷ്യൽ സെന്റർ അൽഐൻ, ഇന്ത്യ ഫെസ്റ്റിവൽ സംഘടിപ്പിക്കുന്നു. ഫെബ്രുവരി 23, 24 ,25 തീയതികളിൽ ഐ.എസ്.സി അങ്കണത്തിലാണ് പരിപാടികൾ. കോവിഡിന് മുമ്പ് എല്ലാവർഷവും നടത്തിവരാറുണ്ടായിരുന്ന ഫെസ്റ്റിവൽ ഈ വർഷം വീണ്ടും ആരംഭിക്കുകയാണ്. ഇന്ത്യ ഫെസ്റ്റിവലിനോടനുബന്ധിച്ച വിവിധ കലാപരിപാടികളും ഗെയിമുകളും സ്റ്റാളുകളും മറ്റ് അനുബന്ധ പരിപാടികളും ഉണ്ടായിരിക്കുമെന്ന് സെക്രട്ടറി മണികണ്ഠനും പ്രസിഡന്റ് ജിമ്മിയും അറിയിച്ചു. സമാപനദിവസമായ 25ന് പ്രവേശന കൂപ്പണുകളുടെ നറുക്കെടുപ്പ് ഉണ്ടായിരിക്കും. പങ്കെടുക്കുന്നവർക്കും സ്റ്റാളുകൾ സന്ദർശിക്കുന്നവർക്കും ആകർഷകമായ സമ്മാനങ്ങളാണ് ഇത്തവണ ഏർപ്പെടുത്തിയിരിക്കുന്നത്. കൂടുതൽ വിവരങ്ങൾക്ക് 0505732320.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.