കോവിഡ്​ മൂലം മരിച്ചവരുടെ കുടുംബങ്ങളെ ഏറ്റെടുത്ത്​ യു.എ.ഇ

ദുബൈ: കോവിഡ്​ 19 ദുരിതം ലോകത്തിന്​ സൃഷ്​ടിച്ച ആഘാതങ്ങൾക്കിടയിലും മാനുഷികതയുടെ നല്ലവാർത്തകളുമായി യു.എ.ഇ.
രാജ്യത്ത്​ ഇൗ അസുഖം മൂലം മരിച്ചവരുടെ കുടുംബങ്ങളെ ചേർത്തുപിടിക്കാനാണ്​ അധികൃതരുടെ തീരുമാനം. യു.എ.ഇയിൽ കോവിഡ് ​ മൂലം മരിച്ചവർ ഏതു രാജ്യക്കാരുമാവ​െട്ട

അവരുടെ കുടുംബങ്ങളുടെ അടിസ്​ഥാന ചെലവുകൾ രാഷ്​ട്ര നായകരുടെ നിർദേശാനുസരണം യു.എ.ഇയിലെ മുൻനിര സന്നദ്ധസേവന സംഘടനയായ എമിറേറ്റ്​സ്​ റെഡ്​ക്രസൻറ്​ ഏറ്റെടുക്കും. യു.എ.ഇ സർക്കാർ കമ്യൂണിക്കേഷൻ ഒാഫീസാണ്​ സമൂഹ മാധ്യമങ്ങളിലൂടെ ഇക്കാര്യം അറിയിച്ചത്​.

​േ​ന​രത്തേ, റെഡ്​ ക്രസൻറ്​ മുൻകൈയെടുത്ത്​ നിരവധി താമസക്കാരുടെയും വ്യാപാര സ്​ഥാപനങ്ങളുടെയും കെട്ടിട വാടകയിൽ ഇളവ്​ വരുത്തി നൽകിയിരുന്നു. ഇതിനു പുറമെ യു.എ.ഇ വിദ്യാഭ്യാസ വകുപ്പുമായി ചേർന്ന്​ റിമോട്ട്​ ലേണിങ്​ സാർവത്രികമാക്കുന്നതിന്​ 50 ലക്ഷം ദിർഹവും റെഡ്​ ക്രസൻറ്​ വകയിരുത്തിയിരുന്നു.