ദുബൈ: യു.എ.ഇയിൽ തൊഴിൽ വിസ ലഭിക്കുന്നതിന് നിർബന്ധ വ്യവസ്ഥയായി മാറിയ സ്വഭാവ സർട്ടിഫിക്കറ്റിന് അപേക്ഷിക്കാൻ ഏറെ എളുപ്പം. ഏറ്റവും സുരക്ഷിത രാജ്യമായി നിലനിർത്തുക എന്ന ലക്ഷ്യത്തോടെ മന്ത്രിസഭ നിർദേശിച്ച നടപടി ക്രമം ഫെബ്രുവരി നാല് മുതലാണ് പ്രാബല്യത്തിൽ വരിക. അപേക്ഷകരുടെ രാജ്യത്തോ അല്ലെങ്കിൽ അഞ്ചുവർഷമായി താമസിച്ചു വരുന്ന രാജ്യത്തെയോ യു.എ.ഇ എമ്പസി, വിദേശകാര്യ മന്ത്രാലയത്തിെൻറ സാക്ഷ്യ കേന്ദ്രങ്ങൾ എന്നിവിടങ്ങിൽ നിന്ന് ലഭിക്കുന്ന സ്വഭാവ സർട്ടിഫിക്കറ്റാണ് നൽകേണ്ടത്. ഏറെ കാലമായി യു.എ.ഇയിൽ താമസിക്കുന്നവർക്ക് പുതിയ വിസക്ക് വേണമെന്നിരിക്കെട്ട^ അബൂദബി പൊലീസിൽ നിന്നോ ദുബൈ പൊലീസിൽ നിന്നോ സാക്ഷ്യപത്രത്തിന് അപേക്ഷിക്കാം.
ദുബൈ പൊലീസിൽ നിന്ന് സാക്ഷ്യപത്രം നേടുന്നതിന് https://www.dubaipolice. gov.ae/ wps/portal/ home/ services/ individ ualservicescontent/ goodconduct certificatecatalog എന്ന ലിങ്ക് മുഖേനയാണ് അപേക്ഷിക്കേണ്ടത്. അബൂദബി പൊലീസിൽ നിന്ന് ലഭിക്കാൻ https://www.abudhabi.ae/ portal/public/en/ citizens/ work-and-employment-topic/ job-search/ good-conduct-certificate-from-adp; jsessionid എന്ന ലിങ്കും. ദുബൈ പൊലീസ് ആപ്പ് മുഖേനയും അപേക്ഷ നൽകാം. വെറും അഞ്ചു മിനിറ്റ് കൊണ്ട് പൂർത്തിയാക്കാവുന്നതാണ് അപേക്ഷാ പ്രക്രിയ.
പേരും എമിേററ്റ്സ് െഎഡി നമ്പറും നൽകി അപേക്ഷ ആരംഭിക്കാം. 220 ദിർഹമാണ് യു.എ.ഇയിൽ താമസിക്കുന്ന പ്രവാസികളുടെ അപേക്ഷാ ഫീസ്. രാജ്യത്തിനു പുറത്തു നിന്നാണ് സർട്ടിഫിക്കറ്റ് ലഭിക്കേണ്ടതെങ്കിൽ 320 ദിർഹം ഫീസ് നൽകണം. പൊലീസ് ഒഫീസുകളിൽ ഞായർ മുതൽ വ്യാഴം വരെ രാവിലെ ഏഴര മുതൽ ഉച്ചക്ക് രണ്ടര വരെ നേരിട്ടു ചെന്നും അപേക്ഷ സമർപ്പിക്കാം. അന്വേഷണങ്ങൾക്ക് 901നമ്പറിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.