ഷാർജ: പത്തനംതിട്ട ജില്ലയിലെ ചിറ്റാർ പഞ്ചായത്തിലെ പ്രവാസികളുടെ കൂട്ടായ്മയായ കെയർ ചിറ്റാർ പ്രവാസി അസോസിയേഷൻ സുഹൃദ് സംഗമം നടത്തി. അൽ മംസാർ പാർക്കിൽ നടന്ന സംഗമത്തിൽ വിവിധ എമിറേറ്റുകളിൽനിന്നുള്ള നൂറോളം അംഗങ്ങൾ പങ്കെടുത്തു. പ്രസിഡൻറ് നോബിൾ കരാട്ടുപാറ അധ്യക്ഷത വഹിച്ചു. കൺവീനർ അനീഷ് ഇടയിലവീട്ടിൽ, ജനറൽ സെക്രട്ടറി ഡോ. മനു കുളത്തുങ്കൽ, നൗഷാദ് ഹനീഫ, ഷാജി കൂത്താടിപറമ്പിൽ, രതീഷ് കൊച്ചുവീട്ടിൽ, ജോജി തോമസ്, ഡേവിഡ് സി. ജോർജ്, മാത്യു നെടുവേലിൽ, അനു സോജു, സിമി ലിജു, മേരിക്കുട്ടി മർക്കോസ്, ഷാദിൽ ഷാജഹാൻ, പ്രവീൺ തെക്കേക്കര, നിഷാദ് കൂത്താടിപറമ്പിൽ എന്നിവർ സംസാരിച്ചു. തുടർന്ന് കുട്ടികളുടെ കലാ-കായിക പരിപാടികൾ നടന്നു.
വിജയികൾക്ക് അനീഷ് ഇടയിലവീട്ടിൽ സമ്മാനദാനം നടത്തി. പുതിയ അംഗങ്ങൾക്കുള്ള ഐ.ഡി കാർഡിന്റെ വിതരണവും ചടങ്ങിൽ നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.