മോഡൽ ഹാട്രിക്​; ഖാദർ മാസ്​റ്റർക്ക്​ അഭിമാന നിമിഷം

അബൂദബി: ഇൗ അധ്യയന വർഷം പ്രഖ്യാപിച്ച മൂന്ന്​ പരീക്ഷാ ഫലങ്ങളിലും അബൂദബി മോഡൽ സ്​കൂളിന്​ നൂറുമേനി. കേരള എസ്​.എസ്​.എൽ.സി, കേരള ഹയർ സെക്കൻഡറി, സി.ബി.എസ്​.ഇ പ്ലസ്​ടു പരീക്ഷകളിൽ മുഴുവൻ വിദ്യാർഥികളെയും ഉന്നത വിദ്യാഭ്യാസത്തിന്​ ​േയാഗ്യരാക്കിയാണ്​ സ്​കൂൾ ഹാട്രിക്​ നേട്ടം കരസ്​ഥമാക്കിയത്​. കഴിഞ്ഞ വർഷവും മൂന്ന്​ പരീക്ഷകളിലും നൂറു ശതമാനം വിജയം നേടാൻ സ്​കൂളിന്​ സാധിച്ചിരുന്നു. 

സ്​കൂളിനെ നയിക്കുന്ന പ്രിൻസിപ്പൽ ഡോ. വി.വി. അബ്​ദുൽ ഖാദറിന്​ അഭിമാനകരമായ നിമിഷമാണിത്​. എങ്ങനെ ഇൗ വിജയങ്ങൾ കൈയെത്തി പിടിക്കുന്നു എന്ന്​ ചോദിച്ചാൽ ഖാദർ മാസ്​റ്റർക്ക്​ എപ്പോഴും ഒരൊറ്റ ഉത്തരമേയുള്ളൂ. ‘വിദ്യാർഥികളുടെയും അധ്യാപകരുടെയും രക്ഷിതാക്കളുടെയും കൂട്ടായ പരിശ്രമമാണ്​ ഇൗ വിജയങ്ങൾക്ക്​ കാരണം’ ഒറ്റ വാചകത്തിൽ ആ ഉത്തരമൊതുങ്ങും.  ഖാദർ മാസ്​റ്ററുടെയും സ്​കൂൾ മാനേജ്​മ​െൻറി​​െൻറയും സമീപന രീതിയാണ്​ അധ്യാപകർക്കും വിദ്യാർഥികൾക്കും പ്രോത്സാഹനമാകുന്നതെന്ന്​ നിംസ്​ ഗ്രൂപ്പ്​ മുൻ ഡയറക്​ടർ കെ.ആർ. സുരേന്ദ്രൻ ‘ഗൾഫ്​ മാധ്യമ’ത്തോട്​ പറഞ്ഞു.

വ്യവസ്​ഥാപിതമായ രീതി സ്​കൂൾ അവലംബിക്കുന്നു. ഏഴാം ക്ലാസ്​ കഴി​യുന്നതോടെ കുട്ടികളുടെ അഭിരുചി അളന്ന്​ സി.ബി.എസ്​.ഇ, കേരള സിലബസുകളിലേക്കായി വേർതിരിക്കും. പൊതു പരീക്ഷകളിൽ എല്ലാ വിദ്യാർഥികൾക്കും വിജയം എന്ന ലക്ഷ്യത്തിൽ കേന്ദ്രീകരിച്ചാണ്​ എട്ടാം ക്ലാസ്​ മുതലുള്ള പഠനം. ഏപ്രിലോടെ എല്ലാ വിഷയങ്ങളുടെയും അധ്യാപനം പൂർത്തിയാക്കും. പിന്നീടുള്ള രണ്ട്​ മാസം റിവിഷൻ പഠനങ്ങളിലൂടെ കുട്ടികളിലെ അറിവ്​ സജീവമായി നിർത്താനും സ്​കൂൾ ശ്രദ്ധിക്കുന്നുവെന്ന്​ കെ.ആർ. സുരേന്ദ്രൻ കൂട്ടിച്ചേർത്തു.  

യു.എ.ഇയിൽ കൂടുതൽ കുട്ടികളെ കേരള എസ്​.എസ്​.എൽ.സി പരീക്ഷക്ക്​ ഇരുത്തിയ മോഡൽ സ്​കൂൾ അബൂദബി രാജ്യത്ത്​ കൂടുതൽ സമ്പൂർണ എ പ്ലസ്​ നേടിയ സ്​കൂളുമായി. 36 പേർ യു.എ.ഇയിൽനിന്ന്​ സമ്പൂർണ എ പ്ലസ്​ നേടിയപ്പോൾ അതിൽ 24 പേരും അബൂദബി മോഡൽ സ്​കൂളിൽനിന്നായിരുന്നു. ഒമ്പത്​ വിഷയങ്ങളിൽ എ പ്ലസ്​ നേടിയ 48 പേരിൽ 27 പേരും ഇൗ സ്​കൂളിലെ വിദ്യാർഥികളായിരുന്നു. കേരള ഹയർ സെക്കൻഡറി പരീക്ഷയിൽ യു.എ.ഇയിൽ ലഭിച്ച 22 സമ്പൂർണ എ പ്ലസുകളിൽ ഒമ്പതെണ്ണം സ്വന്തമാക്കിയാണ്​ സ്​കൂൾ മുന്നിലെത്തിയത്​. കൊമേഴ്​സിൽ രാജ്യത്ത്​ സമ്പൂർണ എ പ്ലസ്​ നേടിയ വിദ്യാർഥികളുള്ള ഏക സ്​കൂളും മോഡൽ സ്​കൂൾ അബൂദബിയായിരുന്നു.