ഗുസ്സി കാത്തിരിക്കുന്നു,  വീട്ടുകാർ വരുമെന്നോർത്ത്​ 

അബൂദബി: ഇൻറർ കോണ്ടിന​െൻറൽ ഹോട്ടലിനടുത്തുള്ള അൽ ബതീൻ ബസ്​സ്​റ്റോപ്പിൽ രാവിലെ ബസ്​ കയറാൻ വരുന്നവരെ എതിരേൽക്കുക ഒരു പൂച്ചയുടെ കരച്ചിലാണ്​.
രാത്രി ഏറെ വൈകി അവസാന ബസ്​ പോയിക്കഴിഞ്ഞാലും ആ പൂച്ചയവിടെ കാത്തു നിൽപ്പുണ്ടാവും. തന്നെ തനിച്ചാക്കിപ്പോയ വീട്ടുകാർ തിരിച്ചുവരുമെന്ന പ്രതീക്ഷയിലാവണം നാലുമാസമായി  മിണ്ടാപ്രാണി അവിടെ തങ്ങുന്നത്​. അറേബ്യൻ മാവു ഇനത്തിൽപ്പെട്ട ഗുസ്സി എന്ന്​ വിളിപ്പേരുള്ള പൂച്ചക്ക്​ ബസുകയറാൻ വരുന്നവരും പ്രഭാത സവാരിക്കിറങ്ങിയവരുമെല്ലാം ഭക്ഷണം നൽകുന്നുണ്ട്​. അവരൊന്നുമല്ല ത​​െൻറ യജമാനർ എന്ന്​ പൂച്ചക്കറിയാം. 
കാറിൽ വന്ന ഒരു സംഘം റോഡിലേക്കിട്ട്​ കടന്നുപോവുകയായിരുന്നുവെന്നാണ്​ വിവരം. 

അവർ അവധിക്കു പോയതാണോ, രാജ്യം വിട്ടു പോകു​േമ്പാൾ കൂടെ കൊണ്ടുപോകാനാവാതെ വഴിയിൽ ഉപേക്ഷിച്ചതാണോ എന്നൊന്നും ആർക്കുമറിയില്ല. 
ഒരു ലക്ഷം പൂച്ചകളെങ്കിലും അബൂദബിയിലെ റോഡുകളിലും തെരുവുകളിലുമായുണ്ടെന്നാണ്​ മൃഗക്ഷേമ പ്രവർത്തകരുടെ കണക്ക്​. മൃഗസംരക്ഷണ പ്രവർത്തകർ ഒ​േട്ടറെ തെരുവുമൃഗങ്ങൾക്ക്​ അഭയവും ചികിത്സയും ഒരുക്കുന്നുണ്ടെങ്കിലും വീട്ടുകാർ വഴിയിൽ തള്ളി കടന്നുപോകുന്ന മൃഗങ്ങളുടെ എണ്ണം വർധിച്ചതോടെ അവരും നിസഹായരാണ്​. ക്ലൗഡ്​ 9 പെറ്റ്​ ഹോട്ടൽ കഴിഞ്ഞ വർഷം മൂന്നു ലക്ഷം ദിർഹമാണ്​ മൃഗങ്ങളുടെ ചികിത്സക്കായി ചെലവിട്ടത്​. 
 മൃഗങ്ങൾക്കെതിരായ ക്രൂരതക്ക്​ യു.എ.ഇ നിയമം കടുത്ത ശിക്ഷയാണ്​ നൽകുന്നത്​. മൃഗങ്ങളെ ഉ​പദ്രവിക്കുന്നതിനും തെറ്റായ കാര്യങ്ങൾക്ക്​ ഉപയോഗിക്കുന്നതിനും വേട്ടയാടുന്നതിനും അനധികൃതമായി വിൽക്കുന്നതിനും വാങ്ങുന്നതിനുമെല്ലാം ശിക്ഷയുണ്ട്​. അയ്യായിരം ദിർഹം മുതൽ രണ്ടു ലക്ഷം ദിർഹം വരെയാണ്​ പിഴ, അതിനു പുറമെ തടവു ശിക്ഷയുമുണ്ട്​.