എക്സ്പോയിൽ ഫ്രഞ്ച് പവലിയനിൽ എത്തുന്ന ‘അന്യഗ്രഹ ജീവികളുടെ’ മാതൃക
ദുബൈ: വിസ്മയിപ്പിക്കാനൊരുങ്ങുന്ന ദുബൈ എക്സ്പോയിലേക്ക് ഫ്രഞ്ച് പവലിയൻ വഴി 'അന്യഗ്രഹ ജീവികൾ' എത്തും. ബഹിരാകാശ കേന്ദ്രത്തിൽനിന്ന് ബഹിരാകാശ യാത്രികൻ തത്സമയം എക്സ്പോ സന്ദർശകരുമായി സംവദിക്കുന്നതും ഇവിടെയെത്തിയാൽ കാണാം. ബഹിരാകാശ സ്വപ്നങ്ങൾക്ക് നിറംപകരുന്നതാണ് മേളയിലെ ഫ്രഞ്ച് പവലിയൻ. ശനിയാഴ്ച രാവിലെ 10.30 മുതൽ സീ പ്ലാസയിലെ കോസ്മോപോഡ്സ് ഷോയിലാണ് 'അന്യഗ്രഹജീവികളുടെ' വേഷത്തിൽ എത്തുന്നവരുടെ ഷോ. രാത്രി 7.40 മുതൽ എട്ട് വരെ ബഹിരാകാശ യാത്രികൻ തോമസ് പെസ്ക്വറ്റിെൻറ തത്സമയ സംവാദം ഉണ്ടായിരിക്കും. അൽ വാസൽ ഡോമിൽ ഇത് തത്സമയം തെളിയും. വിദ്യാർഥികൾക്കും മുതിർന്നവർക്കും ഒരേ പോലെ ബഹിരാകാശ വിജ്ഞാനം പകരുകയാണ് ലക്ഷ്യം. ഇതിന് പുറമെ എയർഷോയും ഫ്രഞ്ച് പവലിയൻ സംഘടിപ്പിക്കുന്നുണ്ട്. യു.എ.ഇയിലെ ഏഴ് ഫ്രഞ്ച് സ്കൂളുകളിലെ കുട്ടികൾ ഫ്രാൻസിെൻറ ചരിത്രം വിവരിക്കുന്ന പരേഡും നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.