ഫയൽ ചിത്രം
അബൂദബി: യു.എ.ഇയിലെയും മേഖലയിലെയും ഏറ്റവും വലിയ പുതുവര്ഷ രാവ് ആഘോഷങ്ങളിലൊന്ന് അബൂദബിയിലെ അല് വത്ബയില് അരങ്ങേറും. കരിമരുന്ന് പ്രകടനവും ഡ്രോണ് ഷോകളും സാംസ്കാരിക പൈതൃക പരിപാടികളും അടക്കം വിപുലമായ ആഘോഷ പരിപാടികളാണ് ശൈഖ് സായിദ് ഫെസ്റ്റിവലിന്റെ ഉന്നത സംഘാടക സമിതി ഒരുക്കിക്കൊണ്ടിരിക്കുന്നത്.
അഞ്ച് പുതിയ ലോകറെക്കോഡുകള് കുറിക്കുന്ന വെടിക്കെട്ടുകളാണ് അല് വത്ബയില് ഡിസംബര് 31ന് രാത്രി അരങ്ങേറുക. രാത്രി എട്ടു മുതല് അഞ്ച് ഘട്ടങ്ങളിലായാണ് ഈ വെടിക്കെട്ടുകള്. ഇവയിലൊന്ന് തുടര്ച്ചയായി 62 മിനിറ്റ് നീണ്ടുനില്ക്കുന്ന വെടിക്കെട്ടാണ്.
നൂതന സാങ്കേതിക വിദ്യകളുടെ സഹായത്തോടെ നടത്തുന്ന ഈ വെടിക്കെട്ട് കാണികളെ അമ്പരിപ്പിക്കുമെന്നത് തീര്ച്ചയാണ്. 6500 ഡ്രോണുകള് ഉള്ക്കൊള്ളിച്ചു നടത്തുന്ന 20 മിനിറ്റ് ദൈര്ഘ്യമുള്ള ഡ്രോണ് ഷോയും പരിപാടിയിലെ മുഖ്യ ആകർഷണങ്ങളിലൊന്നാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.