തട്ടകം ചെന്ത്രാപ്പിന്നിക്കൂട്ടം ‘ആരവം 2026’ൽ പങ്കെടുത്തവർ
ദുബൈ: യു.എ.ഇയിലെ ചെന്ത്രാപ്പിന്നി നിവാസികളുടെ കൂട്ടായ്മയായ തട്ടകം ചെന്ത്രാപ്പിന്നിക്കൂട്ടം യു.എ.ഇ കമ്മിറ്റിയുടെ പത്താമത് വാർഷികാഘോഷത്തിന്റെ ഭാഗമായി ‘ആരവം 2026’ സംഘടിപ്പിച്ചു. അജ്മാൻ കോസ്മോപൊളിറ്റൻ സ്കൂളിൽ നടന്ന പരിപാടി സിനിമാതാരം ഷംന കാസിം ഉദ്ഘാടനം ചെയ്തു.
പ്രസിഡന്റ് ഷംസുദ്ദീൻ വട്ടപ്പറമ്പിൽ അധ്യക്ഷനായിരുന്നു. നാഷ്ണൽ മോട്ടോക്രോസ് ചാമ്പ്യനും ദുബൈ റേസിങ് ട്രാക്കുകളിലെ സാന്നിധ്യവുമായ സി.ഡി. ജിനൻ മുഖ്യാതിഥിയായിരുന്നു. തട്ടകം ന്യൂസ് ലെറ്ററിന്റെ പ്രകാശനവും വാർഷികാഘോഷത്തിന്റെ ഭാഗമായി നടത്തിയ വിവധ മത്സരങ്ങളിലെ വിജയികൾക്കുള്ള സമ്മാനദാനവും ഷംന കാസിം നിർവഹിച്ചു.
തട്ടകം കുടുംബാംഗങ്ങളുടെ നേതൃത്വത്തിൽ കലാപരിപാടികളും അരങ്ങേറി. റഫീഖ് ചുങ്കശ്ശേരി, നിസാർ മാണിയത്ത്, സബിത റഫീഖ്, ഷാഫി ചെന്ത്രാപ്പിന്നി, ജിയാസ്, നഷീഖ്, ഷിജോയ് തുടങ്ങിയവർ സംസാരിച്ചു. പ്രോഗ്രാം കമ്മിറ്റി ജനറൽ കൺവീനർ ചിന്നു രഞ്ജിത്ത് സ്വാഗതവും ട്രഷറർ സുനിൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.