ഷാർജ: കോഴിക്കോട് നാദാപുരം കടമേരി കുഞ്ഞാലി മാസ്റ്ററുടെ മകനും ഷാർജ മലീഹയിലെ അഡ്നോക്ക് പെേട്രാൾ പമ്പിലെ സൂപ്പർവൈസറുമായ താഴെ പനങ്ങാട് അബ്ദുൽ റഫീഖ് (29) മലീഹയിൽ വാഹനാപകടത്തിൽ മരണപ്പെട്ടു. ദൈദിലെ താമസ സ്ഥലത്തിനടുത്ത പള്ളിയിൽ ജുമുഅ നമസ്കരിച്ച്, മലീഹയിലെ ജോലി സ്ഥലത്തിനടുത്തുള്ള റോഡോരത്തു കൂടെ നടന്ന് പോ കുകയായിരുന്ന റഫീഖിനെ സുഡാനി ഓടിച്ച വാഹനം ഇടിക്കുകയായിരുന്നു.
ഇടിയുടെ ആഘാതത്തിൽ തെറിച്ച് വീണാണ് മരണം. റോഡ് മുറിച്ച് കടക്കുന്നതിനിടെയാണ് അപകടമെന്ന് സ്ഥാപിക്കാൻ ൈഡ്രവർ ശ്രമിച്ചെങ്കിലും സി.സി.ടിവി ദൃശ്യങ്ങൾ പരിശോധിച്ച പൊലീസ് മരണ കാരണം ൈഡ്രവറുടെ പിഴവാണെന്ന് സ്ഥിരീകരിച്ചു. രണ്ടാഴ്ച മുമ്പാണ് ഇവിടെ ഉണ്ടായിരുന്ന ഭാര്യ റഹീമയെയും ഒന്നര വയസുള്ള മകനെയും നാട്ടിലേക്ക് അയച്ചത്.
റൂമിലെ വൈദ്യുതി, ഇൻറർനെറ്റ് , ഭക്ഷണ ബില്ലുകൾ ഇന്നലെ കൊടുത്ത് തീർത്തേത്ര. എന്തിനാണ് ഇത്ര തിരക്കിട്ട് തീർക്കുന്നതെന്ന് കൂടെ താമസിച്ചവർ ചോദിച്ചപ്പോൾ മനുഷ്യെൻറ കാര്യമല്ലേ, എല്ലാം തീർക്കേണ്ട സമയത്ത് തീർക്കണം എന്നായിരുന്നുവെെത്ര മറുപടി. മാതാവ്: സുലൈഖ. ദൈദ് ആശുപത്രിയിൽ സൂക്ഷിച്ചിട്ടുള്ള മൃതദേഹം നാട്ടിലേക്ക് കൊണ്ട് പോകാനുള്ള ശ്രമങ്ങൾ പുരോഗമിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.