അജ്മാന് : ഓരോ ഇന്ത്യക്കാരനും രാജ്യത്തിെൻറ പ്രതിനിധികള് ആണെന്നും ഇന്ത്യയുടെ മൂല്യം കാത്ത് സൂക്ഷിക്കാന് ഓരോരുരും ബാധ്യസ്ഥരാണെന്നും കോൺസുൽ ജനറല് അനുരാഗ് ഭൂഷണ് അഭിപ്രായപ്പെട്ടു. അജ്മാന് ഇന്ത്യന് അസോസിയേഷൻ സംഘടിപ്പിച്ച യാത്രയയപ്പ് സമ്മേളനത്തില് സംസാരിക്കുകയായിരുന്നു അദേഹം.
ഇന്ത്യയും യു.എ.ഇയും തമ്മില് നിലനില്ക്കുന്ന ഊഷ്മള ബന്ധത്തെ നമ്മുടെ രാജ്യം ഏറെ വില കല്പ്പിക്കുന്നുണ്ടെന്നും അതുകൊണ്ടാണ് 34 വര്ഷങ്ങള്ക്ക് ശേഷം ഇന്ത്യന് പ്രധാനമന്തി യു.എ.ഇ സന്ദർശിച്ചതെന്നും അദേഹം കൂട്ടിച്ചേര്ത്തു. അജ്മാന് ഇന്ത്യന് അസോസിയേഷന് പ്രസിഡൻറ് ഒ.വൈ.ഖാന് അധ്യക്ഷത വഹിച്ചു. അസോസിയേഷന് രക്ഷാധികാരി അബ്ദുല് റഹ്മാന് സാലം അല് സുവൈദി , ചെയര്മാന് അഫ്താബ് ഇബ്രാഹീം , വൈസ് ചെയര്മാന് അബ്ദുല് സലഹ് , നവാബ് ശഹ്താജ് ഷാജി അല് മുല്ക്ക് , പരസ് ശഹ്ദാദ്പുരി എന്നിവര് സംസാരിച്ചു. കോൺസുലര് ജനറലിനുള്ള ഇന്ത്യന് അസോസിയേഷെൻറ ഉപഹാരം അസോസിയേഷന് രക്ഷാധികാരി അബ്ദു റഹ്മാന് സാലം അല് സുവൈദി സമ്മാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.