ഷാര്ജ: പെരുന്നാളാഘോഷം കണക്കിലെടുത്ത് ഷാര്ജയിലെ മുഴുവന് പെയ്ഡ് പാര്ക്കിങ് മേഖലകളും സൗജന്യമായിരിക്കുമെന്ന് നഗരസഭ അധികൃതര് ബുധനാഴ്ച്ച പ്രഖ്യാപിച്ചു. സന്തോഷ പൂര്വ്വം പെരുന്നാള് ആഘോഷിക്കാനായിട്ടാണ് ഈ ഇളവ് നല്കുന്നതെന്ന് പെയ്ഡ് പാര്ക്കിങ് വിഭാഗം ഡയറക്ടര് അതിഫ് അബ്ദുല്ല ആല് സറൂനി പറഞ്ഞു.
എന്നാല് വാഹനങ്ങള് നിറുത്തിയിടുന്നത് നിയമം തെറ്റിച്ചായാല് നടപടിയുണ്ടാകുമെന്നും അദ്ദേഹം ഉണര്ത്തി. രണ്ട് വാഹനങ്ങളുടെ ഇടം ഒരു വാഹനം കൈക്കലാക്കുക, മറ്റ് വാഹനങ്ങള്ക്ക് പോകാനും വരാനും കഴിയാത്ത വിധം വാഹനം നിറുത്തുക. അപകടം ഉണ്ടായാല് രക്ഷാപ്രവര്ത്തന വാഹനങ്ങള്ക്ക് തടസം ഉണ്ടാക്കുന്ന വിധത്തില് കെട്ടിടങ്ങള്ക്ക് സമീപം വാഹനം നിറുത്തുക, കുപ്പതൊട്ടികള് നീക്കം ചെയ്യാന് കഴിയാത്ത വിധത്തില് വാഹനം നിറുത്തിയിടുക തുടങ്ങിയവ കണ്ടത്തെിയാല് നടപടി ഉറപ്പാണ്.
ഉദ്യാനങ്ങള് രാവിലെ എട്ട് മുതല് ഉച്ച ഒന്ന് വരെയും വൈകീട്ട് നാല് മുതല് രാത്രി 10 വരെയും പ്രവര്ത്തിക്കും.
ഷാര്ജ ദേശിയ ഉദ്യാനവും റോള ഉദ്യാനവും രാവിലെ 10 മുതല് രാത്രി 12 വരെയാണ് പ്രവര്ത്തിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.