അബൂദബി: ഇന്ത്യ സോഷ്യല് ക്ളബ്, അബൂദബി മലയാളി സമാജം മുന് പ്രസിഡന്റും പൊതുപ്രവര്ത്തകനുമായ എം.കെ. രവി മേനോന് (70) അബൂദബിയില് നിര്യാതനായി. ഹൃദയാഘാതത്തെ തുടര്ന്ന് മഫ്റഖ് ഹോസ്പിറ്റലിലായിരുന്നു അന്ത്യം. തൃശൂര് സ്വദേശിയായ രവി മേനോന് വര്ഷങ്ങളായി അബൂദബിയില് പൊതുരംഗത്ത് സജീവമാണ്. 1991- 92 കാലയളവില് ഐ.എസ്.സി പ്രസിഡന്റായിരുന്നു. കുട്ടികള്ക്കായി വിവിധ സംഘടനകളുടെ നേതൃത്വത്തില് നടത്തുന്ന സമ്മര് ക്യാമ്പുകളുടെ ഉപജ്ഞാതാവ് ഇദ്ദേഹമാണ്്. കേരള സോഷ്യല് സെന്റര്, മലയാളി സമാജം, ഇന്ത്യ സോഷ്യല് സെന്റര് എന്നിവ നടത്തുന്ന സമ്മര് ക്യാമ്പുകള്ക്ക് അദ്ദേഹം സജീവമായി നേതൃത്വം വഹിച്ചിരുന്നു. ഭാര്യ: ശാന്ത. മക്കള്: സുമ, ശ്യാം (ലണ്ടന്).
ഖലീഫ ഹോസ്പിറ്റല് മോര്ച്ചറിയില് സൂക്ഷിച്ച മൃതദേഹം നാട്ടിലേക്ക് കൊണ്ടുപോകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.