ഹ​ജ്ജി​​ന്റെ പ്ര​ധാ​ന ച​ട​ങ്ങു​ക​ൾ അ​വ​സാ​നി​ച്ചു

മ​ക്ക: ജീ​വി​ത​ത്തി​ലെ പൈ​ശാ​ചി​ക​ത​ക​ൾ​ക്കെ​തി​രെ പ്ര​തീ​കാ​ത്മ​ക ക​​ല്ലേ​റ്​ നി​ർ​വ​ഹി​ച്ച്​ ഹ​ജ്ജി​​ന്റെ പ്ര​ധാ​ന ച​ട​ങ്ങു​ക​ൾ​ക്ക് വി​രാ​മം കു​റി​ക്കാ​ൻ ഹാ​ജി​മാ​ർ മ​ട​ങ്ങി​യെ​ത്തി​യ​തോ​ടെ ത​മ്പു​ക​ളു​ടെ ന​ഗ​രി​യാ​യ മി​നാ വീ​ണ്ടും സ​ജീ​വ​മാ​യി. ഞാ​യ​റാ​ഴ്​​ച ക​ല്ലേ​റി​നു​ള്ള സ്​​തൂ​പം ജം​റ​തു​ൽ അ​ഖ​ബ​യി​ൽ ഏ​ഴു ചെ​റു​ക​ല്ലു​ക​ൾ എ​റി​ഞ്ഞ്​ ത​ല​മു​ണ്ഡ​നം ചെ​യ്തു ഹാ​ജി​മാ​ർ തീ​ർ​ഥാ​ട​ക​രു​ടെ ​പ്ര​ത്യേ​ക ഇ​ഹ്​​റാം വേ​ഷം അ​ഴി​ച്ചു സാ​ധാ​ര​ണ​വ​സ്ത്ര​മ​ണി​ഞ്ഞു. പി​ന്നീ​ട് ക​അ്ബ​യി​ൽ ചെ​ന്നു പ്ര​ദ​ക്ഷി​ണ​വും സ​ഫ മ​ർ​വ കു​ന്നു​ക​ൾ​ക്കി​ട​യി​ലെ പ്ര​യാ​ണ​വും ക​ഴി​യു​ന്ന​തോ​ടെ ഹ​ജ്ജി​ലെ പ്ര​ധാ​ന ക​ർ​മ​ങ്ങ​ൾ അ​വ​സാ​നി​ച്ചു.

ഇ​ത്ര​യും പൂ​ർ​ത്തി​യാ​ക്കി​യ ഹാ​ജി​മാ​ർ മി​നാ​യി​ലേ​ക്ക് മ​ട​ങ്ങി ഇ​നി മൂ​ന്നു നാ​ൾ അ​വി​ട​ത്തെ ത​മ്പു​ക​ളി​ൽ ക​ഴി​ഞ്ഞു​കൂ​ടും. ദു​ൽ​ഹ​ജ്ജ് 11, 12, 13 തീ​യ​തി​ക​ളി​ൽ ജം​റ​യി​ൽ തു​ട​ർ​ന്നും ക​ല്ലെ​റി​ഞ്ഞ ശേ​ഷ​മാ​ണ്​ ഹ​ജ്ജി​ന് പൂ​ർ​ണ​വി​രാ​മ​മാ​കു​ക. മ​ക​നെ ബ​ലി​ന​ൽ​കാ​നു​ള്ള ദൈ​വ​നി​ർ​ദേ​ശ​ത്തി​ൽ നി​ന്ന്​ പ്ര​വാ​ച​ക​ൻ ഇ​ബ്രാ​ഹീ​മി​നെ പി​ന്തി​രി​പ്പി​ക്കാ​ൻ ശ്ര​മി​ച്ച പി​ശാ​ചി​നെ ക​ല്ലെ​റി​ഞ്ഞ​തി​നെ അ​നു​സ്മ​രി​പ്പി​ക്കു​ന്ന അ​നു​ഷ്ഠാ​ന​ത്തി​ലൂ​ടെ തി​ന്മ​ക്കെ​തി​രാ​യ പോ​രാ​ട്ട​ത്തി​നു​ള്ള സ​ന്ന​ദ്ധ​ത​യാ​ണ്​ ഹാ​ജി​മാ​ർ പ്ര​ക​ടി​പ്പി​ക്കു​ന്ന​ത്.

മ​ക്ക​യി​ൽ ബ​ലി​പെ​രു​ന്നാ​ൾ ദി​ന​മാ​യ ഞാ​യ​റാ​ഴ്​​ച തീ​ർ​ഥാ​ട​ക​ർ​ക്ക്​ ഏ​റ്റ​വും തി​ര​ക്കേ​റി​യ​താ​യി​രു​ന്നു. ശ​നി​യാ​ഴ്​​ച വൈ​കീ​ട്ട്​ അ​റ​ഫ​യി​ൽ നി​ന്ന് പി​ന്തി​രി​ഞ്ഞ ഹാ​ജി​മാ​ർ രാ​ത്രി മു​സ്​​ദ​ലി​ഫ​യി​ൽ വി​ശ്ര​മി​ച്ചു. പു​ല​ർ​ച്ചെ അ​വി​ടെ​നി​ന്ന്​ അ​ഞ്ച്​ കി​ലോ​മീ​റ്റ​ർ അ​ക​ലെ​യു​ള്ള ജം​റ​യി​ലേ​ക്ക്​ യാ​ത്ര തി​രി​ച്ചു. ബ​സു​ക​ളി​ലും മെ​ട്രോ ട്രെ​യി​നു​ക​ളി​ലു​മാ​യാ​ണ്​ മ​ക്ക ഹ​റ​മി​നും മി​നാ​ക്കും ഇ​ട​യി​ലെ ജം​റ​ക​ളി​ലേ​ക്ക്​ തീ​ർ​ഥാ​ട​ക​രെ​ത്തി​യ​ത്.

അ​ഞ്ചു നി​ല​ക​ളി​ലു​ള്ള ജം​റ സ​മു​ച്ച​യ​ത്തി​ൽ ഒ​രു മ​ണി​ക്കൂ​റി​ൽ മൂ​ന്ന്​ ല​ക്ഷം പേ​ർ​ക്ക് ഒ​രു​മി​ച്ച്​ ക​ല്ലേ​റ് നി​ർ​വ​ഹി​ക്കാ​നു​ള്ള സൗ​ക​ര്യ​മു​ണ്ട്. ഈ ​സ​മു​ച്ച​യ​ത്തി​ലേ​ക്ക്​ 11 പ്ര​വേ​ശ​ന ക​വാ​ട​വും പു​റ​ത്തേ​ക്കു​ള്ള 12 ക​വാ​ട​ങ്ങ​ളും ഒ​രു​ക്കി​യി​ട്ടു​ണ്ട്. വി​ശാ​ല​മാ​യ സൗ​ക​ര്യ​ങ്ങ​ൾ വേ​ഗ​ത്തി​ൽ ക​ല്ലേ​റു​ക​ർ​മം പൂ​ർ​ത്തി​യാ​ക്കാ​ൻ ഹാ​ജി​മാ​രെ സ​ഹാ​യി​ക്കു​ന്നു​ണ്ട്. അ​റ​ഫ സം​ഗ​മ​വും മി​നാ​യി​ലെ ആ​ദ്യ​നാ​ൾ ക​ല്ലേ​റും സ​മാ​ധാ​ന​പൂ​ർ​വം പൂ​ർ​ത്തി​യാ​ക്കു​ന്ന​തോ​ടെ ഹ​ജ്ജി​ന്‍റെ തി​ര​ക്കൊ​ഴി​യു​ക​യാ​ണ്.