നൂറുൽ ഹുദാ ഖാൻ
യാംബു: ജോലിക്കിടെ വീണ് മരിച്ച ഉത്തർപ്രദേശ് സ്വദേശിയുടെ മൃതദേഹം രണ്ട് മാസത്തിന് ശേഷം ഖബറടക്കി. ഉംലജിലെ ഒരു കമ്പനിയിൽ ജീവനക്കാരനായിരുന്നു മഹ്‌റാജ് ജംഗ് സ്വദേശിയായ നൂറുൽ ഹുദാ ഖാെൻറ (40) മൃതദേഹം ചൊവ്വാഴ്ച ളുഹ്ർ നമസ്കാരാനന്തരമാണ് ഖബറടക്കിയത്. ഡിസംബർ 31 നായിരുന്നു ഫാക്ടറി ജോലിക്കാരനായ നൂറുൽ ഹുദ ഖാൻ ജോലിക്കിടെ ഉണ്ടായ വീഴ്ചയിലാണ് മരിച്ചത്.
നടപടികൾ പൂർത്തിയാക്കാൻ നൂറുൽ ഹുദാ ഖാെൻറ ഖമീസ് മുശൈത്തിലുള്ള ബന്ധു മെഹ്ബൂബ് ആലം, തബൂക്കിലെ കോൺസുലേറ്റ് വെൽഫെയർ അംഗവും പ്രവാസി വെൽഫെയർ വെസ്റ്റേൺ പ്രൊവിൻസ് വൈസ് പ്രസിഡൻറുമായ സിറാജ് എറണാകുളം എന്നിവർ രംഗത്തുണ്ടായിരുന്നു. നൂറുൽ ഹുദാ ഖാൻ 11 വർഷമായി ഉംലജിൽ പ്രവാസിയായിരുന്നു. ഭാര്യ ഷഹർ ബാനുവും അഞ്ച് മക്കളും അടങ്ങുന്ന കുടുംബം നാട്ടിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.