മക്ക: മദീന സന്ദർശനം പൂർത്തിയാക്കി മക്കയിലെത്തിയ ഇന്ത്യയിൽനിന്നുള്ള ആദ്യ സംഘം ഹാജിമാർക്ക് മക്കയിലെ അസീസിയയിൽ തനിമ സാംസ്കാരിക വേദി വളന്റിയർമാർ സ്വീകരണം നൽകി. മഹത്തത് ബാങ്കിലെ ഇന്ത്യൻ ഹജ്ജ് മിഷൻ ഒരുക്കിയ താമസസ്ഥലത്താണ് അല്ലാഹുവിന്റെ അതിഥികളെ സ്ത്രീകളും കുട്ടികളും ഉൾപ്പെടെയുള്ള വളന്റിയർമാർ സ്വീകരിക്കാനും ആവശ്യമായ സഹായം ചെയ്യാനും രംഗത്തിറങ്ങിയത്.
പ്രത്യേകം പാക്കറ്റുകളിലാക്കിയ സമ്മാനപ്പൊതികളുമായാണ് അവർ അതിഥികളെ വരവേറ്റത്. റൂം കണ്ടുപിടിക്കാനും ബാഗുകൾ റൂമുകളിൽ എത്തിക്കാനും വയോധികരായ ഹാജിമാരെ ബസിൽനിന്ന് ബിൽഡിങ്ങുകളിലേക്ക് എത്തിക്കാനും തനിമ വളന്റിയർമാരെത്തിയത് മദീനയിൽനിന്ന് ദീർഘദൂരം യാത്ര കഴിഞ്ഞെത്തിയ ഹാജിമാർക്ക് ആശ്വാസമായി. അബ്ദുൽ ഹക്കീം ആലപ്പി, റഷീദ് സഖാഫ്, ഇഖ്ബാൽ ചെമ്പാൻ, നാസർ വാഴക്കാട്, നജാത്തുല്ലാഹ് സിദ്ദീഖി, മുന അനീസ്, ഷാനിബ നജാത്ത്, ടി.കെ. ശമീൽ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.