പ്രവാസം അവസാനിപ്പിച്ച് മടങ്ങുന്ന അലി പൊടിയേങ്ങലിന് ജിദ്ദ താനൂർ മണ്ഡലം കെ.എം.സി.സി ഭാരവാഹികൾ ഉപഹാരം സമ്മാനിക്കുന്നു
ജിദ്ദ: 32 വർഷത്തെ പ്രവാസം അവസാനിപ്പിച്ച് മടങ്ങുന്ന ജിദ്ദ താനൂർ മണ്ഡലം കെ.എം.സി.സി എക്സിക്യൂട്ടിവ് അംഗം അലി പൊടിയേങ്ങലിന് താനൂർ മണ്ഡലം കെ.എം.സി.സി യാത്രയയപ്പ് നൽകി.
പരിപാടി മലപ്പുറം ജില്ല കെ.എം.സി.സി വൈസ് പ്രസിഡന്റ് ഇല്യാസ് കല്ലിങ്ങൽ ഉദ്ഘാടനം ചെയ്തു. വിനയവും സ്നേഹവും ജീവകാരുണ്യപ്രവർത്തനവും മുഖമുദ്രയായി സ്വീകരിച്ച് ചിട്ടയായ പ്രവർത്തനങ്ങളിലൂടെ കെ.എം.സി.സി കെട്ടിപ്പടുക്കുന്നതിൽ കർമനിരതമായിരുന്നു അലി പൊടിയേങ്ങൽ എന്ന് അദ്ദേഹം പറഞ്ഞു.
തുച്ഛമായ ശമ്പളത്തിന്റെ നല്ലൊരു വിഹിതം ജീവകാരുണ്യപ്രവർത്തനങ്ങൾക്കുവേണ്ടി മാറ്റിവെക്കുന്ന അലി പൊടിയേങ്ങലിന്റെ ജീവിതം മുഴുവൻ പ്രവാസികൾക്കും മാതൃകയാണെന്നും അദ്ദേഹം പറഞ്ഞു.
മുനീബ് പകര അധ്യക്ഷത വഹിച്ചു. മൻസൂർ ചുരങ്ങര സംസാരിച്ചു. ആക്ടിങ് സെക്രട്ടറി സാദിഖ് ചിറയിൽ സ്വാഗതവും ഫാറൂഖ് താനൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.