‘ഇവ’ മുൻ പ്രസിഡന്റ് ശിഹാബ് പോളക്കുളത്തിന് യാത്രയയപ്പ് നൽകിയപ്പോൾ
റിയാദ്: ദീർഘകാലത്തെ പ്രവാസത്തിനുശേഷം നാട്ടിലേക്ക് മടങ്ങുന്ന ഈസ്റ്റ് വെനീസ് അസോസിയേഷൻ (ഇവ) മുൻ പ്രസിഡന്റ് ശിഹാബ് പോളക്കുളത്തിന് യാത്രയയപ്പ് നൽകി.
ജീവകാരുണ്യ വിഭാഗം കൺവീനർ, ഒ.ഐ.സി.സി, യവനിക, പുന്നപ്ര മഹൽ അസോസിയേഷൻ എന്നീ സംഘടനകളുടെയും ഭാരവാഹിയായി അദ്ദേഹം പ്രവർത്തിച്ചിട്ടുണ്ട്. അൽമറായി കമ്പനിയിൽ സെയിൽസ് വിഭാഗം ഏരിയ മാനേജറായിരിക്കെയാണ് പ്രവാസം അവസാനിപ്പിച്ച് മടങ്ങുന്നത്. മലസിലെ പെപ്പർ ട്രീ റസ്റ്റാറന്റിൽ കൂടിയ യോഗത്തിൽ പ്രസിഡന്റ് ശരത് സ്വാമിനാഥൻ അധ്യക്ഷത വഹിച്ചു.
മാധ്യമപ്രവർത്തകൻ ജലീൽ ആലപ്പുഴ ഉദ്ഘാടനം ചെയ്തു. സിജു പീറ്റർ, ഹാഷിം ചീയാംവെളി, സുരേഷ് ആലപ്പുഴ, സൈഫ് വിളക്കേഴം, സജാദ് സലിം, സുദർശന കുമാർ, ബദർ കാസിം, ധന്യ ശരത്, അബ്ദുൽ അസീസ്, സാനു മാവേലിക്കര, നിസാർ മുസ്തഫ, കോയ ഹെർഫി, താഹിർ കാക്കാഴം എന്നിവർ സംസാരിച്ചു.
സെക്രട്ടറി മുഹമ്മദ് മൂസ സ്വാഗതവും ആസിഫ് ഇഖ്ബാൽ നന്ദിയും പറഞ്ഞു. ഫാരിസ് സൈഫ്, റിസ്വാൻ നിസാർ, ഷുക്കൂർ കാക്കാഴം, ജുഗൽ, അമൽ കാരിച്ചാൽ, ദിപു, സുൽഫി ആര്യാട്, നൈസി സജാദ്, റീന സിജു, നിസ നിസാർ എന്നിവർ നേതൃത്വം നൽകി. കുട്ടികളുടെ കലാവിരുന്നും ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.