ജിദ്ദ : പെരിന്തൽമണ്ണ എൻ.ആർ.ഐ ഫോറം നാലാം വാർഷികത്തോടനുബന്ധിച്ച് അൽ ഹസ്മി ട്രോഫിക്കും പ്രൈസ് മണിക്കും വേണ്ടി നടത്തിയ ഏകദിന സെവൻസ് ഫുട്ബാൾ ടൂർണമെൻറിൽ ജെ. ടി. സി തിരൂർക്കാട് ജേതാക്കളായി. പെരിന്തൽമണ്ണ താലൂക്കിലെ ടീമുകളെ പങ്കെടുപ്പിച്ചു നടത്തിയ മത്സരങ്ങളിൽ ഒന്നിനെതിരെ ആറു ഗോളുകൾക്ക് താഴേക്കോടിനെയാണ് തിരൂർക്കാട് ഫൈനലിൽ പരാജയപ്പെടുത്തിയത്. ശറഫിയ്യ മതാർ ഖദീം അൽ ശബാബിയ സ്റ്റേഡിയത്തിൽ നടന്ന മത്സരങ്ങൾ ജിദ്ദ ഒ.ഐ.സി.സി സീനിയർ നേതാവ് അബ്്ദുൽ മജീദ് നഹ ഉദ്ഘാടനം ചെയ്തു.
നവോദയ മുഖ്യ രക്ഷാധികാരി വി.കെ റഊഫ്, ജിദ്ദ നവോദയ പ്രസിഡൻറ് ഷിബു തിരുവനന്തപുരം, സലാഹുദ്ദീൻ, സിഫ് സെക്രട്ടറി സലാം, മലപ്പുറം ജില്ലാ കെ.എം.സി.സി ഓർഗനൈസിങ് സെക്രട്ടറി ജുനൈസ് പോത്തുകൽ, പെൻറിഫ് മുഖ്യ രക്ഷാധികാരി അഷ്റഫ് കിഴിശ്ശേരി, അക്ബർ ആലിക്കൽ, ഷഫീർ തുടങ്ങിയവർ കളിക്കാരുമായി പരിചയപ്പെട്ടു. പി.കെ ബിഷർ സ്വാഗതവും വി.പി അബ്്ദുൽ മജീദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.