വണ്ടൂർ സ്വദേശി അബ്ദുൽ ഹസീബിനുള്ള ഖമീസ് മുശൈത്ത് കെ.എം.സി.സിയുടെ ധനസഹായം പ്രസിഡൻറ് ബഷീർ മുന്നിയൂർ ടൗൺ ഏരിയ ആക്ടിങ് പ്രസിഡൻറ് അഷ്റഫ് കുന്ദമംഗലത്തിന് കൈമാറുന്നു
അബഹ: ഖമീസ് മുശൈത്ത് കെ.എം.സി.സി പ്രീമിയർ സോക്കർ സോഷ്യൽ റിലീഫ് സെൽ നൽകുന്ന ഒരു ലക്ഷം രൂപയുടെ പ്രത്യേക ധനസഹായം മലപ്പുറം വണ്ടൂർ സ്വദേശി അബ്ദുൽ ഹസീബിന് നൽകുമെന്ന് പ്രീമിയർ സോക്കർ സംഘാടക സമിതി ചെയർമാൻ ബഷീർ മൂന്നിയൂർ, കൺവീനർ മൊയ്തീൻ കട്ടുപ്പാറ എന്നിവർ അറിയിച്ചു. ഖമീസ് മുശൈത്തിൽ ദീർഘകാലം പ്രവാസിയായിരുന്ന അബ്ദുൽ ഹസീബ് ഗുരുതര രോഗബാധിതനായി നാട്ടിൽ ചികിത്സയിൽ കഴിയുകയാണ്. ഖമീസ് മുശൈത്ത് കെ.എം.സി.സി സെൻട്രൽ കമ്മിറ്റി ഓഫിസിൽ നടന്ന ചടങ്ങിൽ പ്രസിഡൻറ് ബഷീർ മൂന്നിയൂരിൽനിന്ന് ടൗൺ ഏരിയ കെ.എം.സി.സി ആക്ടിങ് പ്രസിഡൻറ് അഷ്റഫ് കുന്ദമംഗലം ഹസീബിനുവേണ്ടി തുക ഏറ്റുവാങ്ങി.
സിറാജ് വയനാട്, ഷാഫി തിരൂർ, ഇബ്രാഹിം പട്ടാമ്പി, ഉസ്മാൻ കിളിയമണ്ണിൽ, സലീം പന്താരങ്ങാടി, ഹസ്റത്ത് കടലുണ്ടി, ഉമർ ചെന്നാരിയിൽ എന്നിവർ പരിപാടിയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.