ഉപയോഗശൂന്യമായ എട്ട് ടണ്ണിലധികം ഭക്ഷ്യവസ്തുക്കൾ കണ്ടുകെട്ടി

ജു​ബൈ​ൽ: കാ​ലാ​വ​ധി ക​ഴി​ഞ്ഞ്​ ഉ​പ​യോ​ഗ​ശൂ​ന്യ​മാ​യ എ​ട്ട്​ ട​ണ്ണി​ല​ധി​കം ഭ​ക്ഷ്യ​വ​സ്​​തു​ക്ക​ൾ പി​ടി​കൂ​ടി. കി​ഴ​ക്ക​ൻ പ്ര​വി​ശ്യ മു​നി​സി​പ്പാ​ലി​റ്റി അ​ധി​കൃ​ത​രു​ടെ നേ​തൃ​ത്വ​ത്തി​ൽ ദ​മ്മാം മേ​ഖ​ല​യി​ൽ ന​ട​ത്തി​യ പ​രി​ശോ​ധ​ന​യി​ലാ​ണ്​ കാ​ല​ഹ​ര​ണ​പ്പെ​ട്ട ഇ​ത്ര​യ​ധി​കം ഭ​ക്ഷ​ണ​വ​സ്തു​ക്ക​ൾ ക​ണ്ടു​കെ​ട്ടി​യ​ത്. ദ​മ്മാം വെ​സ്​​റ്റ്​ മു​നി​സി​പ്പാ​ലി​റ്റി മേ​ധാ​വി ഫൈ​സ​ൽ അ​ൽ​ഖ​ഹ്താ​നി​യു​ടെ നേ​തൃ​ത്വ​ത്തി​ൽ സു​ര​ക്ഷ സം​ഘ​ങ്ങ​ളു​ടെ സ​ഹ​ക​ര​ണ​ത്തോ​ടെ​യാ​യി​രു​ന്നു പ​രി​ശോ​ധ​ന. മേ​ഖ​ല​യി​ലെ വാ​ണി​ജ്യ അ​പ്പാ​ർ​ട്​​മെൻറി​ൽ ന​ട​ത്തി​യ റെ​യ്ഡി​ലാ​ണ് ഭ​ക്ഷ്യ​വ​സ്തു​ക്ക​ൾ കൂ​ടു​ത​ലും പി​ടി​ച്ചെ​ടു​ത്ത​ത്.

മു​നി​സി​പ്പ​ൽ ച​ട്ട​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ന്ന​തി​നു​ള്ള പ്ര​ചാ​ര​ണ​ത്തി​െൻറ ഭാ​ഗ​മാ​യി​രു​ന്നു റെ​യ്ഡ്. പ്ര​ദേ​ശ​ത്തെ താ​ൽ​ക്കാ​ലി​ക ഫാ​ക്ട​റി​യി​ൽ ക​ണ്ടെ​ത്തി​യ കേ​ക്കു​ക​ളു​ടെ​യും മ​ധു​ര​പ​ല​ഹാ​ര​ങ്ങ​ളു​ടെ​യും വ​ലി​യൊ​രു ഭാ​ഗം കാ​ല​ഹ​ര​ണ​പ്പെ​ട്ട​താ​യി​രു​ന്നു. ച​ട്ട​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ന്ന​തി​നാ​യി മു​നി​സി​പ്പാ​ലി​റ്റി ലൈ​സ​ൻ​സു​ള്ള ഭ​ക്ഷ്യ​സ്ഥാ​പ​ന​ങ്ങ​ളി​ൽ പ​തി​വാ​യി പ​രി​ശോ​ധ​ന ന​ട​ത്തു​ക​യും നി​യ​മ​ന​ട​പ​ടി സ്വീ​ക​രി​ക്കു​ക​യും ചെ​യ്യു​ന്ന​താ​യി ഫൈ​സ​ൽ അ​ൽ​ഖ​ഹ്താ​നി പ​റ​ഞ്ഞു. ഇ​ത്ത​ര​ത്തി​ൽ വ​ല്ല​തും ക​ണ്ടെ​ത്തി​യാ​ൽ ടോ​ൾ ഫ്രീ ​ടെ​ലി​ഫോ​ൺ ന​മ്പ​രാ​യ 940 വ​ഴി മു​നി​സി​പ്പാ​ലി​റ്റി​യി​ൽ അ​റി​യി​ക്ക​ണ​മെ​ന്ന് പൊ​തു​ജ​ന​ങ്ങ​ളോ​ട് അ​ദ്ദേ​ഹം നി​ർ​ദേ​ശി​ച്ചു. ഭ​ക്ഷ്യ​സു​ര​ക്ഷ ഒ​രു സം​യു​ക്ത ഉ​ത്ത​ര​വാ​ദി​ത്ത​മാ​ണ്. മു​നി​സി​പ്പാ​ലി​റ്റി പ​രി​ശോ​ധ​ന​ക​ൾ ന​ട​ത്തു​ക​യും നി​യ​ന്ത്ര​ണ ന​ട​പ​ടി​ക​ൾ ന​ട​പ്പാ​ക്കു​ക​യും ചെ​യ്യു​മ്പോ​ൾ പൊ​തു​ജ​ന​ങ്ങ​ളു​ടെ പ​രാ​തി​ക​ളും നി​ർ​ദേ​ശ​ങ്ങ​ളും വ​ള​രെ നി​ർ​ണാ​യ​ക​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.