ജിദ്ദ: സൗദി ഫുഡ് ആൻഡ് ഡ്രഗ് അതോറിറ്റി സി.ഇ.ഒ ഡോ. ഹിഷാം ബിൻ സഅദ് അൽജദാഇ ഇന്ത്യൻ വാണിജ്യ, വ്യവസായ മന്ത്രി പിയൂഷ് ഗോയലുമായി കൂടിക്കാഴ്ച നടത്തി. ഇന്ത്യൻ സന്ദർശനത്തിനിടെ ന്യൂഡൽഹിയിൽവെച്ചാണ് കൂടിക്കാഴ്ച നടത്തിയത്. അതോറിറ്റിയുടെ മേൽനോട്ടത്തിലുള്ള മേഖലകളിൽ ഇരു രാജ്യങ്ങളും സഹകരണത്തിനും നിക്ഷേപത്തിനുമുള്ള അവസരങ്ങൾ, രാജ്യത്തേക്കുള്ള മരുന്നുകളുടെയും ഭക്ഷണത്തിന്റെയും കയറ്റുമതി വർധിപ്പിക്കുന്നതിന് ഇന്ത്യൻ റെഗുലേറ്ററി അതോറിറ്റികളുമായും കമ്പനികളുമായും ഏകോപനം, ഉൽപന്നങ്ങളുടെ ഗുണനിലവാരവും സുരക്ഷിതത്വവും ഉറപ്പാക്കിക്കൊണ്ട് ഉൽപന്നങ്ങളുടെ അളവിൽ വളർച്ച ഉറപ്പാക്കാൻ നേരിടുന്ന വെല്ലുവിളികൾക്കുള്ള പരിഹാരങ്ങളും ഇരുവരും ചർച്ച ചെയ്തു.
സൗദിയിലേക്ക് ഇറക്കുമതിചെയ്ത ഇന്ത്യൻ ഉൽപന്നങ്ങളിലെ ശ്രദ്ധേയമായ പുരോഗതിയെക്കുറിച്ച് അൽജദാഇ സൂചിപ്പിച്ചു. ഇന്ത്യാ സന്ദർശനവേളയിൽ ഭക്ഷ്യ ഇറക്കുമതി ചെയ്യുന്നതിനുള്ള സാങ്കേതികവും ആരോഗ്യപരവുമായ ആവശ്യകതകളുടെ രേഖയിൽ ഇന്ത്യൻ ഭക്ഷ്യ കയറ്റുമതി വികസന അതോറിറ്റിയുമായി ഒപ്പുവെച്ചതും റെഗുലേറ്ററി അതോറിറ്റികളുമായും ഫാർമസ്യൂട്ടിക്കൽ കമ്പനികളുമായും അദ്ദേഹം കൂടിക്കാഴ്ച നടത്തിയതും കൂടിക്കാഴ്ചക്കിടയിൽ അൽജദാഇ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.