റിയാദ്: യമനിലെ മഅ്റബില് ചൊവ്വാഴ്ച അപകടത്തില്പെട്ട് തകര്ന്ന സൈനിക വിമാനത്തില് മരിച്ച 12 സൈനികരില് രണ്ട് പേര് വൈമാനികരാണെന്ന് ഒൗദ്യോഗിക വൃത്തങ്ങള് വ്യക്തമാക്കി. ബ്ളാക്ക് ഹോക്ക് ഇനത്തില് പെട്ട വിമാനം തകരാനുണ്ടായ കാരണത്തെകുറിച്ച് അന്വേഷണം നടത്തുമെന്നും സൈനിക വൃത്തങ്ങള് പറഞ്ഞു. സൈനിക പൈലറ്റ് തുര്ക്കി അല്ഹുവൈറീനി, സഹപൈലറ്റ് റയ്യാന് അശ്ശഹ്റാനി എന്നിവരാണ് സംഭവത്തില് മരിച്ച വൈമാനികര്. കൂടാതെ അബ്ദുറഹ്മാന് അശ്ശഹ്റാനി, ഫൈസല് അസ്സുബൈഇ എന്നീ സേനാനയകരും അപകടത്തില് മരിച്ചു. അലി അശൈഖി, മുഅയ്യിദ് അല്ഖഹ്താനി, മഹല് അര്റശീദി, മുഹമ്മദ് അസ്സുഐരി, അലി അല്ഹല്ലാഫി, മൂസ അശ്ശഹ്രി, നായിഫ് മുഅവ്വിദ്, മുഹമ്മദ് അഖീലി എന്നിവരാണ് അപകടത്തില് മരിച്ച മറ്റു സൈനികര്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.