ഹനീഫ് സ്വാദിഖ് ബാഷ
യാംബു: യാംബു റോയൽ കമീഷനിൽ ഏപ്രിൽ 12 ന് നിര്യാതനായ തമിഴ്‌നാട് തൃശ്ശിനാപ്പള്ളി വോരിയൂർ സ്വദേശി ഹനീഫ് സ്വാദിഖ് ബാഷ (53) യുടെ മുതദേഹം 26 ദിവസത്തിനുശേഷം ഖബറടക്കി. വ്യാഴാഴ്ച അസർ നമസ്‌കാരശേഷം ടൗൺ മസ്‌ജിദ്‌ ജാമിഅഃ കബീറിൽ നടന്ന മയ്യിത്ത് നമസ്‌കാരത്തിന് ശേഷം ടൗൺ 'ഷാത്തിഅ മഖ്ബറ' യിൽ ഖബറടക്കം ചെയ്തു. സ്വകാര്യ കമ്പനിയിൽ നീണ്ട വർഷങ്ങൾ ജോലി ചെയ്തിരുന്ന ഹനീഫയെ ഏപ്രിൽ 12 ന് യാംബു റോയൽ കമീഷൻ ഭാഗത്തെ ഒരു മരത്തിൽ തൂങ്ങി ആത്മഹത്യ ചെയ്ത നിലയിൽ കണ്ടെത്തുകയായിരുന്നു. പൊതുവെ മിതഭാഷിണിയായിരുന്ന ഇദ്ദേഹം ആത്മഹത്യ ചെയ്യാനുണ്ടായ കാരണങ്ങൾ വ്യക്തമല്ല.
അസ്വാഭാവിക മരണമായതിനാൽ നടപടിക്രമങ്ങൾ വൈകിയതിനാലാണ് ഖബറടക്കം ചെയ്യാൻ ആഴ്ചകൾ വൈകിയതെന്ന് സാമൂഹികപ്രവർത്തകർ പറഞ്ഞു. ഫാത്തിമ ജാൻ ആണ് ഹനീഫ് സ്വാദിഖ് ബാഷയുടെ ഭാര്യ. ഇരുപത് വയസ്സുള്ള മുഹമ്മദ് ഫയാസ്, ഒമ്പത് വയസ്സുള്ള മുഹമ്മദ് ഫാസിൽ എന്നിവരാണ് മക്കൾ. തമിഴ്‌നാട് സ്വദേശികളായ മുഹമ്മദ് രാമനാട്, റാം കൃഷ്ണ ചെന്നൈ, സി.സി.എ. ഡബ്ല‍്യൂ അംഗവും കെ.എം.സി.സി യാംബു സെൻട്രൽ കമ്മിറ്റി ചെയർമാനുമായ മുസ്തഫ മൊറയൂർ, കെ.എം.സി.സി വെൽഫെയർ കൺവീനർ അബ്ദുൽ റസാഖ് നമ്പ്രം, ഷറഫു പാലീരി, ജിദ്ദ കെ.എം.സി.സി വെൽഫെയർ കൺവീനർ മുഹമ്മദ് കുട്ടി എന്നിവർ നടപടികൾ പൂർത്തിയാക്കാൻ രംഗത്തുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.