അല്ഖോബാര്: ചൊവ്വാഴ്ച രാത്രി അവധിക്ക് പോയ കോഴിക്കോട് സ്വദേശി നാട്ടില് വിമാനമിറങ്ങിയ ഉടന് മരിച്ചു.കോഴിക്കോട് ഫറോക്ക് കരുവന്തുരുത്തി സ്വദേശി അബ്ദുല്റസാഖ് (52) ആണ് ബുധനാഴ്ച രാവിലെ മരിച്ചത്. തുഖ്ബ സ്ട്രീറ്റ് നാലില് ബഖാല നടത്തിവരികയായിരുന്നു. പ്രമേഹ രോഗിയായിരുന്നു.
ഡോക്ടര്മാരുടെ വിദഗ്ധാഭിപ്രായത്തെ തുടര്ന്ന് തുടര്ചികിൽസക്കുവേണ്ടിയാണ് ഒരു മാസത്തെ അവധിക്ക് നാട്ടില് പോയത്. കരിപ്പൂര് വിമാനത്താവളത്തില് നിന്ന് ആശുപത്രിയിലേക്ക് പോകവെയായിരുന്നു അന്ത്യം. 25 വര്ഷമായി സൗദിയിലാണ്. ഭാര്യ സോഫി. മൂന്ന് മക്കളുണ്ട്.
വരുന്ന ജൂലൈയില് വീടുപണി പൂര്ത്തിയാക്കി പ്രവാസം അവസാനിപ്പിച്ച് നാട്ടിലേക്ക് മടങ്ങാനൊരുങ്ങുകയായിരുന്നു അബ്ദുൽ റസാഖ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.