ഖമീസ് മുശൈത്ത്: കൂട്ടുകാരുമൊത്ത് പെരുന്നാള്‍ ദിവസം കടലില്‍ കുളിക്കാനിറങ്ങിയ മലയാളിയുവാവ് മുങ്ങി മരിച്ചു.
ജീസാനടുത്തുള്ള ശുഖയ്ക്കില്‍ കുളിക്കാനിറങ്ങിയ വയനാട് കാര്‍ത്തിക്കുളം സ്വദേശി തൈവളപ്പില്‍ ജോണിയാണ് (38) മരിച്ചത്.
ഖമീസിനടുത്തുള്ള മിലിറ്ററി സിറ്റിയില്‍ കാര്‍പെൻറര്‍ തസ്തികയിൽ ജോലി ചെയ്യുകയായിരുന്നു. അവിവാഹിതനാണ്. പിതാവ് സെബാസ്റ്റ്യന്‍, അമ്മ മറിയാമ്മ. അസീര്‍ പ്രവാസി സംഘം പ്രവര്‍ത്തകനായിരുന്നു.
ജീസാനടുത്ത ദര്‍ബ് ആശുപത്രിയില്‍ സൂക്ഷിച്ച മൃതദേഹം നടപടിക്രമങ്ങള്‍ പൂര്‍ത്തീകരിച്ചു നാട്ടില്‍ കൊണ്ടുപോകുമെന്ന് അസീര്‍ പ്രവാസി സംഘം ഭാരവാഹികള്‍ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.