റിയാദ്: കാൻസർ ബാധിച്ചതിനെ തുടർന്ന് റിയാദിൽ നിന്ന് നാട്ടിൽപോയ മലയാളി മരിച്ചു. റിയാദിലെ മാസ്റ്റേഴ്സ് ക്രിക്കറ്റ് ക്ലബ് അംഗവും വയനാട് വടുവഞ്ചാൽ സ്വദേശിയുമായ സതീഷാണ് (27) മരിച്ചത്.
റിയാദ് എക്സിറ്റ് -10ൽ ഹൗസ് ഡ്രൈവറായി ജോലി ചെയ്യുകയായിരുന്നു. വയറിലെ കാൻസർ ബാധയെ തുടർന്ന് ജൂണിലാണ് സാമൂഹിക പ്രവർത്തകരുടെ സഹായത്തോടെ ഇന്ത്യൻ എംബസി മുഖാന്തരം നാട്ടിലെത്തിയത്. സുമനസ്സുകളുടെ സഹായത്തോടെ നാട്ടിൽ ചികിത്സ തുടരുന്നതിനിടെ രോഗം മൂർച്ഛിക്കുകയും ബുധനാഴ്ച വൈകീട്ടോടെ വയനാട്ടിലെ സ്വകാര്യ ആശുപത്രിയിൽ മരിക്കുകയും ചെയ്തു. മഞ്ഞലത്ത് വീട്ടിൽ രാജുവിൻെറയും സത്യഭാമയുടെയും മകനാണ്. റിയാദിലും നാട്ടിലും കലാകായിക സാംസ്കാരിക രംഗങ്ങളിൽ സജീവ സാന്നിധ്യമായിരുന്നു സതീഷ്. നല്ലൊരു ക്രിക്കറ്റർ കൂടിയായ സതീഷ് മാസ്റ്റേഴ്സ് ക്രിക്കറ്റ് ക്ലബിനുവേണ്ടി ഒട്ടേറെ മത്സരങ്ങളിൽ മികച്ച പ്രകടനം കാഴ്ചവെച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.