കുരുന്നുകൾ വീടുകളിൽ ആദ്യാക്ഷരം കുറിച്ചു

മസ്​കത്ത്: വിദ്യാരംഭ ദിനമായ തിങ്കളാഴ്​ച നൂറുകണക്കിന് കുരുന്നുകൾ പ്രവാസലോകത്തും അക്ഷരലോകത്തേക്കു ചുവടുവെച്ചു. കോവിഡ് പ്രോട്ടോകോൾ നിലനിൽക്കുന്നതിനാൽ എല്ലാവരും സ്വന്തം വീടുകളിൽ തന്നെയാണ് തങ്ങളുടെ കുരുന്നുകളെ ആദ്യാക്ഷരം കുറിപ്പിച്ചത്.

സാധാരണ നഗരത്തിലെ ശ്രീകൃഷ്ണ ക്ഷേത്രത്തിലും, സാംസ്‌കാരിക സംഘടനകളുടെ നേതൃത്വത്തിലും ആണ് വിദ്യാരാംഭ ചടങ്ങുകൾ സംഘടിപ്പിക്കാറുള്ളത്‌. എന്നാൽ ഇക്കുറി കോവിഡ്​ സുരക്ഷാ നടപടികൾ നിലനിൽക്കുന്നതിനാൽ പൊതു പരിപാടികൾ ഉണ്ടായിരുന്നില്ല.