മസ്കത്ത്: ഫലസ്തീൻ പ്രസിഡൻറും ഫലസ്തീൻ ലിബറേഷൻ ഒാർഗനൈസേഷൻ എക്സിക്യൂട്ടീവ് കമ്മിറ്റി ചെയർമാനുമായ മഹ്മൂദ് അബ്ബാസ് ത്രിദിന സന്ദർശനത്തിനായി ഒമാനിലെത്തി.
സന്ദർശനത്തിൽ സുൽത്താൻ ഖാബൂസ് ബിൻ സഇൗദുമായും അബ്ബാസ് ചർച്ച നടത്തും. മസ്കത്തിൽ വിമാനമിറങ്ങിയ മഹ്മൂദ് അബ്ബാസിനെ സയ്യിദ് ശിഹാബ് ബിൻ താരീഖ് അൽ സൈദ്, ഒമാൻ വിദേശകാര്യ മന്ത്രി യൂസുഫ് ബിൻ അലവി ബിൻ അബ്ദുല്ല, ഒമാനിലെ ഫലസ്തീൻ അംബാസഡർ ഡോ. തയ്സീർ അലി ഫർഹത്ത്, എംബസി അംഗങ്ങൾ എന്നിവർ ചേർന്ന് സ്വീകരിച്ചു. ഫത്താഹ് വിഭാഗം സെൻട്രൽ കമ്മിറ്റി സെക്രട്ടറി ജിബ്രീൽ റജബ്, സിവിൽ അഫെയേഴ്സ് മന്ത്രി ഹുസൈൻ അൽ ശൈഖ് തുടങ്ങിയവരും മഹ്മൂദ് അബ്ബാസിന് ഒപ്പം എത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.