മോഡൽ ലയൺസ് ക്ലബ് ഓഫ് ട്രാവൻകൂർ ഒമാൻ, ബദർ അൽസമ ഹോസ്പിറ്റൽസുമായി സഹകരിച്ച് നടത്തിയ മെഡിക്കൽ
അവബോധ കാമ്പയിനിൽനിന്ന്
മസ്കത്ത്: മോഡൽ ലയൺസ് ക്ലബ് ഓഫ് ട്രാവൻകൂർ ഒമാൻ, ബദർ അൽസമ ഹോസ്പിറ്റൽസുമായി സഹകരിച്ച് ‘ലയൺസ് ഹെൽത്ത് കെയർ: ബൂസ്റ്റ് യുവർ ഹെൽത്ത്’ എന്ന പേരിൽ മെഡിക്കൽ അവബോധ കാമ്പയിൻ സംഘടിപ്പിച്ചു. റൂവിയിലെ ഹാഫ ഹൗസ് ഹോട്ടലിൽ നടന്ന പരിപാടി ക്ലബ് പ്രസിഡന്റ് ജയശങ്കർ ഉദ്ഘാടനം ചെയ്തു.
ബദർ അൽസമ ഹോസ്പിറ്റലിലെ എച്ച്.ഒ.ഡി ഇന്റേണൽ മെഡിസിൻ ആൻഡ് ക്രിട്ടിക്കൽ കെയർ ഡോ. ബഷീർ ആലിക്കാപറമ്പിൽ, ജെറാൾഡ് ഡി കോസ്റ്റ, സൈക്യാട്രിസ്റ്റ്, ഡോ. സി.കെ. സുഹൈൽ, ക്രിട്ടിക്കൽ കെയർ സ്പെഷലിസ്റ്റ് ഡോ. ബോവാസ് വിൻസെന്റ്, റേഡിയേഷൻ ഓങ്കോളജി സ്പെഷലിസ്റ്റ് എന്നിവർ ബോധവത്കരണ സെഷനുകൾക്ക് നേതൃത്വം നൽകി.
കാമ്പയിന്റെ ഭാഗമായി പങ്കെടുത്തവർക്ക് സൗജന്യ പ്രമേഹ പരിശോധനയും നടത്തി. ക്ലബ് സെക്രട്ടറി ശശികുമാർ സ്വാഗതം പറഞ്ഞു. ലയൺ ലിജു ജോസഫ് ആയിരുന്നു മെഡിക്കൽ ബോധവത്കരണ കാമ്പയിൻ കൺവീനർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.