പ​റ​ഞ്ഞു​തീ​ർ​ക്കാ​ത്ത ആ ​ക​ഥ​യു​മാ​യി ഹ​നീ​ഫ ബീ​വി മ​ട​ങ്ങി

മ​സ്ക​ത്ത്: “നാ​ട്ടി​ൽ പോ​യി വ​ന്നി​ട്ട് ന​മു​ക്കൊ​ന്ന് കാ​ണ​ണം, എ​നി​ക്ക് ഗ​ൾ​ഫ് മാ​ധ്യ​മ​ത്തി​ൽ ഒ​മാ​നി​ന്റെ സ്നേ​ഹ​ത്തി​ന്റെ​യൊ​രു ക​ഥ പ​റ​യാ​നു​ണ്ട്, 40 വ​ർ​ഷ​ത്തെ എ​ന്റെ ക​ഥ’’... അ​വ​സാ​ന​മാ​യി ഇ​ങ്ങ​നെ ഒ​രു​റ​പ്പും ത​ന്നാ​ണ് ര​ണ്ടു​മാ​സം​കൊ​ണ്ട് തി​രി​ച്ചു​വ​രും എ​ന്ന് യാ​ത്ര പ​റ​ഞ്ഞ് ഹ​നീ​ഫ ബീ​വി നാ​ട്ടി​ലേ​ക്ക് പോ​കു​ന്ന​ത്. പ​ക്ഷേ, വി​ധി മ​റ്റൊ​ന്നാ​യി​രു​ന്നു. പ​റ​ഞ്ഞു തീ​ർ​ക്കാ​ത്ത ആ ​ക​ഥ​യു​മാ​യി ഹ​നീ​ഫ ബീ​വി മ​ട​ങ്ങി. മ​സ്ക​ത്തി​ലും നാ​ട്ടി​ലും ആ ​സ്നേ​ഹ​ഗാ​ഥ​യു​ടെ ഗ​ന്ധം മാ​ത്രം ബാ​ക്കി.

40 വ​ർ​ഷം മു​മ്പാ​ണ് ആ​ല​പ്പു​ഴ പ​വ​ർ ഹൗ​സ് വാ​ർ​ഡി​ൽ ശാ​ന്തി ആ​ശ്ര​മ​ത്തി​ൽ പ​രേ​ത​നാ​യ സു​ബൈ​റി​ന്റെ ഭാ​ര്യ പൂ​ക്കു​ട്ടി എ​ന്ന് ഹ​നീ​ഫ ബീ​വി ഒ​മാ​നി​ലേ​ക്കെ​ത്തു​ന്ന​ത്. ഏ​തൊ​രു പ്ര​വാ​സി​യെ​യും​പോ​ലെ കു​ടും​ബ​ത്തി​ലെ പ്രാ​ര​ബ്ധ​വും ക​ഷ്ട​പ്പാ​ടും കാ​ര​ണം ക​ട​ൽ ക​ട​ക്കേ​ണ്ടി വ​ന്ന​വ​ൾ. വീ​ട്ടു​ജോ​ലി​ക്കാ​യി വ​രു​ന്ന ഒ​രു മ​ല​യാ​ളി സ്ത്രീ​യെ സം​ബ​ന്ധി​ച്ചി​ട​ത്തോ​ളം ആ​ശ​ങ്ക​ക​ളും സ​ങ്ക​ട​വും ഭ​യ​വും നി​റ​ഞ്ഞ ദി​വ​സ​ങ്ങ​ൾ. ‘പ​ട​ച്ചോ​നേ കാ​ക്ക​ണേ’ എ​ന്ന ഉ​ള്ളു​രു​കി​യ പ്രാ​ർ​ഥ​ന മാ​ത്രം കൂ​ട്ടു​ണ്ടാ​യ ദി​വ​സ​ങ്ങ​ൾ.

ആ ​പ്രാ​ർ​ഥ​ന പ​ട​ച്ചോ​ൻ കേ​ട്ടെ​ന്നാ​ണ് ഹ​നീ​ഫ ബീ​വി​യു​ടെ പ​ക്ഷം. വീ​ട്ടു​ജോ​ലി​ക്കാ​യി എ​ത്തി​യ​ത് സ്നേ​ഹ​നി​ധി​ക​ളാ​യ കു​റെ ആ​ളു​ക​ൾ​ക്കി​ട​യി​ലാ​യി​രു​ന്നു. മ​സ്ക​ത്ത് ഹെ​യി​ലി​ലെ ഒ​രു കു​ടും​ബ​ത്തി​ന്റെ വീ​ട്ടി​ൽ കു​ടും​ബ​നാ​ഥ ആ​യി​ഷ​യു​ടെ മേ​ൽ​നോ​ട്ട​ത്തി​ൽ അ​ങ്ങ​നെ ഹ​നീ​ഫ ബീ​വി​യും അ​വ​രി​ലെ ഒ​രം​ഗ​മാ​യി. അ​വ​രു​ടെ സു​ഖ​ത്തി​ലും ദുഃ​ഖ​ത്തി​ലും ഭാ​ഗ​മാ​യി. ഇ​തി​നി​ടെ പ​ല പ്രാ​വ​ശ്യം വി​വാ​ഹം പോ​ലു​ള്ള ച​ട​ങ്ങു​ക​ളി​ൽ ഒ​മാ​നി കു​ടും​ബം നാ​ട്ടി​ലെ ഹ​നീ​ഫ ബീ​വി​യു​ടെ കു​ടും​ബ​ത്തി​ലേ​ക്ക് വ​രു​ക​യും താ​മ​സി​ക്കു​ക​യും ഒ​ക്കെ ചെ​യ്തി​രു​ന്നു. ഒ​രു ജോ​ലി​ക്കാ​രി​ക്ക​പ്പു​റം ഹ​നീ​ഫ ബീ​വി ത​ന്റെ കു​ട്ടി​ക​ളു​ടെ വ​ള​ർ​ത്തമ്മ​യാ​വു​ന്ന​ത് സ്നേ​ഹ​ത്തോ​ടെ​യാ​ണ് ആ​യി​ഷ നോ​ക്കി​ക്ക​ണ്ട​ത്. താ​ൻ ജോ​ലി​ക്ക് പോ​കു​മ്പോ​ൾ മ​ക്ക​ളെ പൊ​ന്നു​പോ​ലെ നോ​ക്കി​യ ഹ​നീ​ഫ ബീ​വി​യെ മാ​ത്ര​മ​ല്ല, അ​വ​രു​ടെ നാ​ട്ടി​ലെ കു​ടും​ബ​ത്തെ​യും ആ​യി​ഷ ചേ​ർ​ത്തു​പി​ടി​ച്ചു.

ഒ​മാ​നി കു​ടും​ബ​ത്തി​ലെ ക​ല്യാ​ണ​ത്തി​നു​ള്ള ഒ​രു​ക്ക​ത്തി​ലാ​യി​രു​ന്നു ഹ​നീ​ഫ ബീ​വി. അ​തി​നി​ട​യി​ലൊ​ന്ന് നാ​ട്ടി​ൽ പോ​യി വ​ര​ണം. കൊ​ച്ചു​മ​ക്ക​ളെ​യും മ​ക്ക​ളെ​യും കാ​ണ​ണം. അ​ങ്ങ​നെ​യാ​ണ് ഇ​വി​ട​ത്തെ തി​ര​ക്കു​ക​ൾ​ക്കി​ട​യി​ലും അ​വ​ർ നാ​ട്ടി​ലേ​ക്ക് തി​രി​ക്കു​ന്ന​ത്. നാ​ട്ടി​ലെ​ത്തി കു​റ​ച്ചു​ദി​വ​സ​ങ്ങ​ൾ​ക്ക​കം​ത​ന്നെ ക​ടു​ത്ത പ​നി​യെ​ത്തു​ട​ർ​ന്ന് ആ​ശു​പ​ത്രി​യി​ലാ​വു​ക​യാ​യി​രു​ന്നു. അ​ർ​ബു​ദ​മാ​ണെ​ന്ന് തി​രി​ച്ച​റി​യു​മ്പോ​ഴേ​ക്കും വൈ​കി​പ്പോ​യി.

രോ​ഗ​വി​വ​രം അ​റി​ഞ്ഞ​യു​ട​ൻ​ത​ന്നെ കേ​ര​ള​ത്തി​ലെ​ത്തി​യ ആ​യി​ഷ​യും മ​ക്ക​ളും എ​ത്ര പ​ണം മു​ട​ക്കി​യും ഹ​നീ​ഫ ബീ​വി​യെ ചി​കി​ത്സി​ക്കാ​ൻ ത​യാ​റാ​യി​രു​ന്നു. പ​ക്ഷേ, അ​തി​നൊ​ന്നും കാ​ത്തു​നി​ൽ​ക്കാ​തെ ത​ന്റെ 75ാം വ​യ​സ്സി​ൽ ഹ​നീ​ഫ ബീ​വി മ​ട​ങ്ങി. ഒ​ടു​വി​ൽ ഹ​നീ​ഫ ബീ​വി​യെ അ​വ​സാ​ന​മാ​യൊ​രു നോ​ക്കു​കാ​ണാ​ൻ ഓ​ടി​യെ​ത്തി​യ ആ​യി​ഷ​യു​ടേ​യും മ​ക്ക​ളു​ടെ​യും കാ​ഴ്ച ഏ​വ​രെ​യും മി​ഴി​നീ​ര​ണി​യി​ക്കു​ക​യും ചെ​യ്തു.